Skagfirðingabók - 01.01.1980, Page 86
SKAGFIRÐINGABÓK
sögnin misskildist ekki, hefur nafni Þorsteins Arasonar verið skot-
ið inn í mjótt bilið sem verður í handriti milli vísnanna og rím-
unnar.
Enn traustari rök eru þó til fyrir því, að Þorsteinn Arason eigi
ekkert í Tittlingsrímu hinni kostulegu. Aftan við rímuna í upp-
skrift Gunnlaugs á Skuggabjörgum, sem var merkur skrásetjari,
stendur skýrum stöfum E.P.S. Rein. Finni Sigmundssyni hefur af
einhverjum ástæðum sézt yfir þetta. Nafnstyttingin er auðráðin:
Eyjólfur Pétursson, Rein (í Hegranesi). I sama handriti Gunn-
laugs er frekari kveðskapur eftir Eyjólf og nafn hans þá ritað
fullum stöfum.
II
Einar Bjarnason á Mælifelli samdi skáldatal og fræði-
manna. Ekki hefur hann vitað um skoprímu Eyjólfs í Rein. I
skrá aftast í ritinu segir einungis: „Eyúlfr Péturss. var í Skaga-
firði. Hann orkti vísr". Ur því nú ríman um hinn herskáa grá-
tittling er komin heim til réttra föðurhúsa, þá er sanngjarnt að
leiða höfund hennar nokkru betur í ljós en þarna er gert.
Eyjólfur Pétursson fæddist á Lóni í Viðvíkursveit árið 1744
og varð fjörgamall, dó í Rein í Hegranesi 7. marz 1836. Foreldr-
ar hans voru Pétur Skúlason bóndi á Lóni, fæddur um 1700, og
kona hans Guðrún Eyjólfsdóttir, fædd um 1712. Hún var að
sögn gefin Pétri nítján ára gömul, og því hafa þau væntanlega
byrjað búskap skömmu eftir 17301.
Pétur á Lóni var sonur Skúla Einarssonar bónda í Hólkoti í
Staðarhreppi og konu hans Margrétar Jónsdóttur, lögréttumanns
Bjarnasonar á Sauðá, af Hrólfsætt sterka. Aftur á móti er ætt
Skúla Einarssonar ekki á Ijósu.
1 Skv. gömlu bændatali býr á Syðri-Brekkum í Blönduhlíð árið 1735 Pét-
ur Skúlason, og gæti það tímans vegna verið Pétur seinna bóndi á Lóni.
Syðri-Brekkur og Lón voru Hólastólsjarðir.
84