Skagfirðingabók - 01.01.1980, Qupperneq 177

ANNÁLL ÚR SKAGAFIRÐI
blendingsræktunar, en auk þess á að vera hægt að hreinrækta
það líka. Ekki veit eg enn um árangur af þessum tilraunum.
Kaupverðið mun hafa verið upp undir 13 þúsund krónur á
hópnum.
A þessu ári munu hafa verið keypt hér í sýslunni um 70 radio-
tæki. Ef til vill þykir slíkt lítil fyrirhyggja — því alltaf fer töluvert
í rekstur þeirra og árgjald — þegar kreppan hefir legið með
hramma sína á landbúnaðinum og dregið úr öllum framkvæmd-
um. Ætla má þess vegna, að ýmislegt þarfara hefði verið hægt að
gera með þá peninga. En skrifað stendur: „Maðurinn lifir ekki
af einu saman brauði.“
A nýársdag 1934.
1934
TÍðin var sæmileg í fyrra vetur, fyrst nokkuð eftir ný-
árið, janúar og febrúar, en úr því fór hún að spillast, voru einatt
hríðar og kuldar, alveg fram undir miðjan maí, og svo var gróður-
leysið mikið, að í júníbyrjun sást alls ekki gróðurlitur á jörð.
Fénaður gekk því fremur illa undan, enda bar með mesta móti
á heilsuleysi í sauðfé, sem varð enn meir áberandi í gróðurleys-
inu. Var því lambadauði með meira móti. I júníbyrjun skipti um
tíð. Tók þá að hlýna og ganga til úrkomu, enda mátti segja, að
það urðu feikna umskipti. Grasið þaut upp, svo sprettan varð
með fádæmum. Snemma í júní kom svo mikið flóð í Héraðsvötn-
in, að ekki hefir slíkt komið síðan 1925. Var allt Eylendið í kafi,
en ekki mun það samt hafa valdið neinu tjóni svo teljandi væri.
Margir hugðu gott til sláttarins, þegar sprettan var jafn ágæt.
En með sláttarbyrjun hófust úrfelli, og mátti heita, að stöðugt
rigndi, oft dag og nótt samfleytt, fram að göngum. Er þetta lík-
legast alversta óþurrkasumar, sem komið hefir nú í háa tíð, eftir
því sem elztu menn segja, því þó að þurrkflæsa væri dag og dag,
þá notaðist það ekki að neinu ráði, vegna þess hve bleytan var
175