Skírnir - 01.01.1882, Qupperneq 59

HOLLAND.
61
orð leikur annars á, að konungi liggi betur hugur til
þjóðverja enn Frakka, og honum mundi ekki fjarri skapi að
leita bandalags við þá, ef til vandræða drægi. Eitt blað í
París — „Napóleon“, sem talar máli Napóleons keisarafrænda
— fleygði því í haust, að þetta bandalag væri þegar ráðið, en
því vildu þó fáir trúa.
16. september dó Jean Baptiste Nothomb, erindreki
Belgakonungs í Berlín (f. í Luxemburg 3. júlí 1805). I 36 ár
hafði hann haft það embætti á höndum, en ávallt talinn með
enum atkvæðamestu þeirrar stjettar. Hann var lika einn af
mestu skörungum þjóðar sinnar, hefir opt verið í ráðaneyti
konungs eða veitt því forstöðu (t. d. 1843—45). Hann var
meðal þeirra helztu, og fremstu sem hófu mótstöðuna móti
Hollandi, en gekkst síðan mjög fyrir að Belgia varð konungs-
ríki sjer, og fylgdi þvi, að Leópold prins (af Kóburg) varð fyrir
kjörinu.
Holland.
Hjeðan vitum vjer engin nýnæmistíðindi að segja. Hjer
fóru fram í sumar helmingakosningar til fulltrúadeildarinnar, og
unnu ihaldsmenn nokkur atkvæði við það sem þeir höfðu áður
haft, enn þó stýra hinir enn svo miklum afla, að þeir hafa
fjóra móti þremur.
8. september andaðist Friðrik prins (f. 28. febr. 1797)
föðurbróðir Vilhjálms konungs þriðja, og afi konu krónprins
vors. Sagt er, að hann hafi látið eptir sig miklar eignir —
sumir segja 60 milliónir króna — en þriðjungur þeirra kemur
nú á hluta krónprinsessunnar. Hann gaf elzta syni hennar í
skírnargjöf 1 millión króna.