Skírnir - 01.01.1882, Síða 77

AUSTURRÍKI OG UNGVERJALAND.
79
og róstusemi. 28. þess mánaðar voru allmargir þýzkra stúd-
enta á skemmtistað fyrir utan borgina og „gerðu sjer til
góða“ við öl og aðra teiti. þangað kom og fiokkur czekn-
eskra stúdenta. þjóðverjum varð það fyrst til að kyrja þjóð-
sönginn þýzka, og vildu, að hinir tækju undir, en þeir skoruð-
ust undan og sungu sinn þjóðsöng. þetta varð tilefni til rimmu
og bardaga í salnum, og hlutuðust þar þá fleiri til, og urðu
enir þýzku stúdentur ofurliða bornir, og sumir hið versta út-
leiknir. Af þessu risu flokka- og riðlagöngur í sjálfri borginni,
og gekk þar ekki á öðru enn róstum og barsmíði í noklcra
daga, þar til er nægu liði var skipað á verði, og þeir allir
höndlaðir sem með hávaða fóru. þýzku blöðin gerðu þetta að
miklu efni, og kváðu einsætt, hvaðan slíkt hneyxli kæmi,
og að það væri þeirri stjórn að kenna, sem virti að
vettugi þýzka menntun og hennar miklu yfirburði, og
Ijeti sig litlu skipta, þó hún yrði landflótta fyrir yfirgangi
hálfsiðaðra og vanmenntaðra þjóðflokka. Málið varð þó
hálfskoplegt, þegar hvorutveggju — þýzkir stúdentar fyrst,
og hinir síðar — hjetu hvorir um sig á sina þjóðbræður i eins-
konar neyðarákalli, að koma til Pragar sem fjölmennast og
nema þar háskólavísindi, þvi mörgum varð svo litið á ávörpin,
sem hjer væri verið að safna liði til hnefavígs og barninga.
Nokkuð skaplegar fer með þjóðverjum og Suðurslöfum (Sló-
venum), en þýzka og þýzkar bókmenntir eða listir verða hjer
að þoka smámsaman fyrir enu slafneska, og Suðurslafar þýða
nú heldur frönsk eða ítölsk rit enn þýzk, og leika heldur róm-
anska en þýzka sjónarleiki á leiksviðum sínum. En þó enir
slafnesku þjóðflokkar í Austurríki sje komnir á þjóðlega upp-
gangsleið, þá eiga þeir enn við ramman reip að draga, og
sann-nefndir jafningar þjóðverja verða þeir ekki fyr enn þeir
eru á þeirra reki i þjóðmenning og öllum andlegum efnum.
það er líkast til satt, að þá — einkum Suðurslafa — bresti
hjer nokkuð á borði, en undir þeim mannamijn skyldi þó þegn-
legt jafnrjetti ekki komið.
Haymerle, kanselleri Austurríkiskeisara, varð bráðkvaddur
10. október. Vjer getum vísað til þess sem sagt er af þessum