Skírnir - 01.01.1882, Síða 141

BANDARÍKIN (norðurfrá).
143
öðru enn vatni í 40 daga, og halda þó lííi sínu. Nærri má
geta, að þeir ijetu vel að gætt, sem við hann vöddu, að engin
brögð yrðu í tafli, og allan þann tíma sem fastan stóð á, var
hún mikið umtalsmál í öllum blöðum, og blöðin í Evrópu gerðu
sjer mesta far um, að ná í föstusöguna á hverjum degi handan
yfir hafið. Maðurinn barst allvel af, þó honum liði ekki vel,
sem vita mátti, eh svo lauk, að hann vann bæði þrautina og
veðjanina. f>egar fastan var úti, var sagt, að hann borðaði
góðan skammt af „bifursteik11 og bergði við henni ósleitulega
bæði öli og öðrum drykkjum.
Mexíkó.
Af framförum landsins. — J árnbrautarslys.
Hjer hefir öllu vikið í bezta þrifnaðar- og framfarahorf á
seinni árum. Ríkisforsetinn, Manuel Gonsales, er mesti skör-
ungur, en Porfiríó Díaz, forsetinn á undan, veitir honnm bezta
fulltingi. Enn siðarnefndi er í ráðaneyti forsetans, og stendur
fyrir mannvirkjum í landsins þarfir. það eru lika þau, og þá
einkum járnbrautirnar, sem mest er kapps um kostað. það
hefir opt verið sagt, að Bandarikjamenn litu ágirndaraugum til
þessa hins gæðaríka, fagra og frjófsama lands, og þeim mundi
vart fyr eyra, enn þeir hefðu það álimað hinu mikla þjóðveldi
fyrir norðan, eða það væri komið sömu leið og Texas (1841)
og helmingurinn af Kalíforníu (1848). Slíku má nú kalla
fram fylgt, en með öðru móti. Bandarikjamenn ríða nú svo
mikið við járnbrautanet sitt, að það á að taka yfir alla Mexíkó.
Tveir menn frá Bandaríkjunum eru sjerílagi til nefndir, sem
mest hafi tekið að sjer: Grant hershöfðingi og annar „járn-
brautakonungur11 Bandaríkjanna, Jay Gould, sem keypti Texas-
brautina af Tom Scott (sjá 142. bls.). Grant hefir lengi verið
á ferðum í Mexíkó, og gert mest til að lcoma járnbrautamálinu
áleiðis, og leggur rikið sjálft til að nokkrum hluta (2,000,000 d.
á ári). Gould ræður í norðurhluta landsins, og frá Texas
verður svo lagt suður, að ekið verður alla leið samfellt frá Mexikó,