Aldamót - 01.01.1902, Side 57

Straumar.
Eftir síra BJÖRS B. JÓNSSON.
Áin Mississippi er talin mesta fljót í heimi.
Nafniö hafa Indíánar gefiö og þýðir það ,,Vatna-
faðir“. Raunar er Mississippi samsteypa margra
fljóta, sem renna saman í einn farveg. Fáar mílur
fyrir ofan borgina St. Louis renna þær saman, Missis-
sippi og Missouri árnar. Missouri-áin er raunar meira
fljót, en þó missir hún þar nafn sitt og tilvera hennar
hverfur inn í hitt fljótið, af því að það heldur farvegi
sínum og stefnu. En það er víst mjög einkennilegt
að sjá, hversu illa þessum tveimur stórfljótum gengur
að sameinast, eftir að þau þó koma í sama farveginn.
Á margra mílna svæði má þekkja þau að, eftir að þau
koma saman. Vatnið úr Mississippi er hreint, og
heldur sá straumur sér öðrum megin; en hinum megin
er vatnið úr Missouri og er kolmórautt ; því eins og
nafnið ber með sér, er vatnið í Missouri óhreint.
Missouri þýðir ,,gruggugt vatn“. Nú má það vera
undarlegt að sjá þelta hreina vatn og þetta óhreina
vatn renna svona samhliða í árfarveginum þessar tutt-
ugu mílur, sem sérkenni hvors fljótsins um sig halda
sér. Auðvitað verður hvorttveggja vatnið innan