Andvari - 01.01.1981, Qupperneq 164

162
FRÁ KOMU KAÞÓLSKU NUNNANNA TIL ÍSLANDS 1896
ANDVARI
nálgast, reyna systurnar eftir mætti að vekja trúnaðartraust og iðrun hins sjúka,
svo að sál hans megi vera viðbúin að ganga inn til eilífs lífs.
Hinn 14. nóvember 1903 héldu tveir prestar úr reglu heilags Montforts í
Hróarskeldu, þeir séra Meulenberg og séra Servaes,1 með gufuskipinu Lauru
áleiðis til íslands. Með þeim var leikbróðir Bonifacius að nafni. Prestarnir áttu
að taka við störfum séra Schreibers, sem hélt alfarinn til Danmerkur 25.
desember.
Þessir prestar hófu þegar störf af miklum áhuga meðal kaþólskra manna
hér. Hefur fórnfýsi þeirra og kostgæfni þegar borið nokkurn árangur. Hafa
allmargir íslendingar snúið aftur til Heilagrar kirkju síðan þeir komu hingað.
Þeim eigum við líka að þakka nýja skólann í Landakoti, sem fullbúinn var
árið 1909. Þessir áhugasömu sálusorgarar eiga ekki einungis miklum vinsæld-
um að fagna hjá söfnuðinum, heldur og meðal mótmælenda, sem virða og
meta hina kaþólsku klerka. Jafnvel lúterskir prestar skrifa þeim og heimsækja
þá til þess að leita ráða.
Þegar hans hátign Friðrik konungur áttundi kom til íslands 30. júlí 1907,
hitti hann prestana á förnum vegi. Konungur var einn á göngu og gekk til
þeirra. Hans hátign ræddi við þá í stundarfjórðung og lét í ljós ánægju sína
yfir dvöl þeirra á íslandi og þakkaði þeim með nokkrum alúðlegum orðum
fyrir allt, sem þeir gerðu fyrir Islendinga. Nokkrum dögum síðar fengu prest-
arnir boð um að taka þátt í konungsveizlunni, þar sem þeim var skipað til
sætis við háborðið í námunda við konung. Islenzki ráðherrann og aðrir emb-
ættismenn líta á það sem mikinn sóma að fá kaþólsku prestana í heimsókn.
Hinn 7. nóvember 1910 voru þrjú hundruð ár tólfræð, eða 360, liðin síðan
síðasti kaþólski biskupinn á Islandi lét lífið fyrir trúnað sinn við Heilaga
kirkju og þjóð sína. Hinum lútersku íbúum bæjarins var ekki vel ljóst, með
hverjum hætti bezt væri að heiðra minningu Jóns Arasonar, sem þeir telja í
hópi mestu manna þjóðarinnar. Þeir komu þess vegna til séra Meulenbergs
og báðu hann um að halda sorgarguðsþjónustuna sjálfan minningardaginn, þar
sem Jón Arason hefði verið lcaþólskur biskup.
Séra Meulenberg varð við ósk hátíðarnefndarinnar og efndi til veglegrar
hátíðarsálumessu. Var ekkert til sparað, að allt mætti verða sem glæsilegast
og hátíðlegast.
Um sálumessuna, sem haldin var samkvæmt beiðni hátíðarnefndarinnar í
kaþólsku kirkjunni, skrifaði lúterskur maður, og eitt af kunnustu skáldum
íslenzku þjóðarinnar, í eitt íslenzku blaðanna, sem út kom 9. nóvember 1910,
meðal annars þessi athyglisverðu orð:2
1. Johan Josef Servaes, fæddur í bænum Maastricht í Limburg, Hollandi, árið 1872. Kom til
íslands ásamt séra Marteini Meulenberg 1903. Fór héðan 1917 af heilsufarsástæðum og andað-
ist í bænum Kerkrade í Limburg árið 1932.
2. Lögrétta, V. árg. nr. 55, 9. nóvember 1910. Greinin, sem ber fyrirsögnina „Sálumessa", er
merkt G. M. og mun vera eftir skáldið Guðmund Magnússon, Jón Trausta.