Andvari - 01.01.1981, Qupperneq 166

164
FRÁ KOMU KAÞÓLSICU NUNNANNA TIL ÍSLANDS 1896
ANDVARI
áheyrendur og að þessu sinni. Ræðan var vel samin og skipulega, og það var
mikil furða, hvað honum tókst að bera hana fram. Menn eru ekki góðu vanir,
þegar útlendingar reyna að tala íslensku . .
Hinn 6. ágúst 1907 hvarf systir Louise des Anges af landi brott eftir að
hafa starfað í tíu ár samfleytt af ósérhlífni og áhuga meðal Islendinga.' I öll
þau ár, sem hún hefur dvalizt hér á landi, hefur hún reynzt óvenju dugleg
kennslukona. Ótrauð hefur hún unnið að málefnum skólans, enda hefur hann
dafnað vel undir stjórn hennar. Jafnframt hefur hún stofnað til námskeiða
fyrir ungar stúlkur í þýzku, frönsku og handavinnu.
I stað systur Lousie des Anges kom móðir Victoría. Fékk hún góða ferð
til Islands og kom hingað 1. september sama ár. Hún er nú búin að vera fimm
ár í hópi dætra sinna hér í Landakoti. Fyrir nokkrum árum átti hún 25 ára
regluafmæli. Það var 6. janúar árið 1909. Sá gleðidagur mun seint líða okkur
úr minni. Við minntumst afmælisins með hátíðlegum hætti og fundum þá vel,
að þau kærleiksbönd, sem ávallt hafa tengt okkur saman, voru nú traustari en
nokkru sinni áður. Það er furðulegt, hversu miklu móðir Victoría hefur áorkað
þau fimm ár, sem liðin eru síðan hún kom til Islands. Starfsemi sjúkrahússins
hefur dafnað jafnt og þétt, og margur fátækur og umkomulaus íslendingur
lítur til hennar sem ástríkrar og góðrar móður. Og sama máli gegnir um okkur
systurnar. Við vonumst til að mega njóta hennar enn um mörg ókomin ár.2
Tvisvar sinnum hefur móðir Suzanne frá Kaupmannahöfn lagt leið sína
hingað til íslands til eftirlits og athugunar, í fyrra sinnið hinn 16. júlí 1901
og síðan 25. júní 19064 Hún hafði mikla ánægju af þessum ferðum, og allar
minnumst við hennar þakldátum hug. Við fundum fljótt, að henni var hlýtt til
Islands og okkar allra, sem urðum að dveljast svo fjarri meðsystrum okkar í
Danmörku. Hún fékk tækifæri til þess að hlýða á próf barnanna í skólanum
okkar og gat þannig gert sér hugmynd um, hvernig ástatt var bæði þar og í
spítalanum. Við höfum því bæði haft gagn og gaman af þessum komum henn-
ar hingað, og okkur var söknuður í hug, þegar við kvöddum hana eftir eins
mánaðardvöl.
Starfsemi spítalans hefur þannig vaxið og dafnað ár frá ári, og sama máli
gegnir um skólann. Fyrsta árið, þegar við kenndum aðeins tveimur börnum,
var okkur hulið, hvort slíkur skóli ætti sér framtíð á íslandi. Himnafaðirinn
hefur í þessu sem öðru leitt okkur og verndað. Árið 1911 voru börnin 102 eða
1. Systir Louise des Anges var fædd árið 1853 í Finnlandi, sem þá var rússnesk hjálenda. Hún
gerðist St. Jósefssystir og vann klausturheit sitt 1880. Kom til íslands árið 1897, var príorinna,
en stundaði kennslu og hjúkrun. Hún hvarf af landi brott árið 1907, eins og að ofan greinir,
og andaðist í Kaupmannahöfn í júlímánuði 1938.
2. Systir María Victoria fæddist í Herzfeld í Westfalen, Þýzkalandi, árið 1858. Gekk í reglu
St. Jósefssystra og vann klausturheit sitt árið 1884. Hún kom hingað til lands 1907 og var
lengst af príorinna og hjúkrunarkona í Landakoti. Þar andaðist hún síðla árs 1938.
3. Systir Suzanne Thérese fædd í St. Thomas á Vesturheimseyjum árið 1853. Hún var að-
stoðarmaður yfirpríorinnunnar móður Geneviéve og fór því þessar vísitasíuferðir á hennar
vegum.