Andvari - 01.01.1992, Qupperneq 33

andvari
SIGURÐUR GUÐMUNDSSON
31
jafnaði fengu að sleppa þriðjungi þess námsefnis er þeir höfðu lesið
frá gagnfræðaprófi.
Þegar litið er yfir sögu norðlenska skólans, er það undrunarefni
hve lítinn stuðning hann hlaut frá „stóra bróður“ syðra í baráttu
sinni fyrir auknum réttindum. Mátti kalla að stjórnendur og kenn-
endur Reykjavíkurskóla legðust gegn hverri tilraun til að koma á fót
skóla norðanlands eða efla hann eftir að hann var kominn á laggirn-
ar. Þeim mæta manni Geir rektor Zoéga er send til umsagnar beiðni
Sigurðar skólameistara um leyfi til að halda stúdentspróf nyrðra vor-
ið 1927 „undir tryggilegu eftirliti stjórnskipaðra prófdómenda, sem
ef til vill mætti senda frá Reykjavík, og með öðrum þeim ráðstöfun-
um sem taldar væru fullnægjandi til þess að prófið gæti að öllu jafn-
gilt stúdentsprófi frá Hinum almenna menntaskóla.“ Geir leggur til
að beiðninni verði synjað:
Að öllu vel athuguðu verður ekki hægt að mæla með því, að þetta umbeðna
leyfi til að útskrifa stúdenta úr svonefndri framhaldsdeild Gagnfræðaskóla
Akureyrar verði veitt að svo stöddu.“17
Geir rökstyður mál sitt með því að nákvæma vitneskju skorti um það
hvernig kennslu hafi verið háttað nyrðra og að kennslan muni hafa
verið ófullkomin og hefur þar nokkuð til síns máls frá formlegu sjón-
armiði. Rétt er þó að hafa í huga að framhaldskennslan nyrðra var
framkvæmd af miklum vanefnum. Enginn styrkur fékkst til hennar
frá yfirvöldum og mun hún að talsverðu leyti hafa verið unnin í sjálf-
boðavinnu. Því hefur verið erfitt að rita um hana greinagóða skýrslu.
Einnig drepur Geir rektor á það að stúdentum kynni að fjölga
ískyggilega, væru skólanum veitt þessi réttindi, en mörgum hraus þá
hugur við offjölgun stúdenta. Á þessum árum brautskráðust að jafn-
aði um 40 stúdentar á ári.
Þessi afstaða Reykjavíkurskóla olli eins og eðlilegt var nokkrum
kala milli skólanna. Greri ekki um heilt fyrr en sumarið 1938 að
norðankennarar buðu sunnankennurum norður. Þekktust þeir boðið
og héldu norður með Pálma rektor Hannesson í broddi fylkingar, en
hann hafði einmitt komið að norðan þegar hann tók við rektorsemb-
ættinu í Reykjavík 1929. Á Akureyri fóru svo fram mikil fundahöld
og þar var stofnað Félag menntaskólakennara. Að fundum loknum
var efnt til veglegs hófs í skólanum og þar sættust menn fullum sátt-
um.