Almanak Ólafs S. Thorgeirssonar - 01.01.1949, Page 76
76
ÓLAFUR S. THORGEIRSSON:
1910 í borginni Tacoma í Washington, og þar lést hann
5. janúar 1938. Hann var kvæntur Lukku Gísladóttur
Eyjólfssonar (ættuð af Fljótsdalshéraði), er lifir mann
sinn.
Eyjólfur var óvenjulega bókhneigður maður, víðles-
inn, og hafði komið sér upp stóru og um margt merkilegu
bókasafni. Hann var maður þjóðrækinn í bezta skilningi
orðsins, og sýndi þá rækt drengilega í verki með því að
mæla svo fyrir, að bókasafn hans yrði, að honum látnum,
sent skóla í átthögum hans á Vesturlandi. Hefir ekkja
hans, sem var honum hinn ágætasti förunautur, dvggi-
lega séð um, að þeirri ósk hans væri fram fylgt, og er
bókasafnið fyrir nokkru til Islands komið, fagur og varan-
legur minnisvarði ræktarhuga þeirra hjóna beggja til
“gaml^ landsins góðra erfða”. (Um Eyjólf og æfiferil
hans, sjá minningargrein J. Magnúsar Bjamasonar um
hann, Tímarit Þjóðræknisfélagsins, 1938).
Ritstj.