Morgunn - 01.06.1934, Síða 107

M 0 Ií G U N N
101
að fara í Queens Hall þetta kvöld, því að Estelle Roþerts
mundi færa honum skilaboð.
Annars hafði Peters fengið viðvörun um, að hann
ætti skamt eftir, þegar í síðastliðnum októbermánuði. —
Hann fékk þá einkafund með miðli, sem heitir Mrs. Ma-
son, og áður hefir verið minst á í þessu riti í erindi, sem
ritstjóri þess flutti um sannanir frá síra Haraldi Níels-
syni hjá enskum miðlum. Peters sagði frúnni, að hann
kæmi til hennar af því að hann væri mjög þreyttur, og
sig langaði til að ná sambandi við ósýnilega vini sína.
Eftir fundinn skýrði hann frúnni frá því, sem fram hafði
komið, meðan hún var í dásvefnsástandinu. Nú sagðist
hann vera afar-hreykinn, því að sér hefði verið sagt, að
hann þyrfti ekki að halda áfram mikið lengur í þessum
heimi. Hann mundi fara úr honum snemma á næsta vori,
þegar öll blóm væru að springa út. Og sér hefði líka verið
sagt, að hann ætti ekki að andast heima, og það þætti
sér vænt um. Hvorttveggja rættist. Hann dó laugardag-
inn fyrir páska í Longton í Staffordshire.
Peters fékst við miðilsstörf í 39 ár og var afar mik-
ils metinn. Til annara landa var hann mikið fenginn, hélt
fundi í 17 löndum, norðan frá Islandi og suður^til Suður-
Afríku. Hann var fyrsti miðillinn, sem gaf skygnilýsingar
ú almenningsfundum í Hollandi, Belgíu, Þýzkalandi og
Islandi og ýmsum fleiri löndum, segja ensk blöð. í bók-
iuni ,,Raymond“ eftir Sir Oliver Lodge er hans að miklu
getið.
Hann kom tvisvar til Reykjavíkur fyrir forgöngu
Sálarrannsóknafélags íslands, og eignaðist hér marga
vini. Enda færði hann fjölda manns hér sannanir fyrir
Hamhaldslífinu, bæði á almennum fundum og einka-
* fundum.
Líkami Peters var brendur fimm dögum eftir and-
lát hans.