Morgunn - 01.06.1940, Side 95

MORGUNN
89
göngu bundið við heila vorn, starfstæki það, sem vit-
und vor opinberar sig í gegnum á þessu tilverusviði.
Birtir blik mannsins oss ef til vill efnisrænan veruleik
í einhverri mynd, efni í einhvers konar ástandi, sem
virðist geta varðveitt hugsæismyndir vorar í sjálfu sér?
Vísindin hafa sannað meðal annars, að hlutirnir, sem
vér notum daglega, eru eklti allir þar, sem þeir eru séðir,
þeir séu engan veginn eins þéttir eins og þeir virðast vera.
Um þetta segir Bland: ,,einu gildir hve þéttir og gljá-
fægðir hlutirnir kunna að virðast, vísindamaðurinn veit
að þeir eru ósléttir og fullir af holum, og sennilegast
er, að hið sálræna efni, sem ætla má að hugsanir vorar
séu myndaðar úr, geti fest sig í slíkum ójöfnum eða hol-
um hlutanna og skilað síðar, þegar skilyrði eru fyrir
hendi, því af hugsæismyndum vorum, sem þetta brot af
hugsanablikinu hefir skilið eftir eða hluturinn náð í“.
I fræðslu þeirri um framhaldstilveruna, sem öðru hvoru
er að berast til vor, fyrir tilstilli þeirra, sem einu sinni
segjast hafa lifað á þessari jörð, er einatt vikið að þeirri
víkkun á starfshæfni andlegra skynhæfileika manns-
andans, sem flutningur inn í nýja tilveru leiði í ljós. Þess
er m. a. getið, að þeir sem þar eigi dvöl geti skynjað
hugsanir hver annars, sem opna bók. Og það virðist
vera eitthvað svipað þessu, sem psychometristinn virðist
geta gert, þó ég hafi ekki drepið á neitt slíkt. En þá má
geta þess, að Bland telur hverjum og einum nauðsyn-
legt, sem þessum hæfileika sé búinn, að kunna að hafa
taumhald á tungu sinni, því að hann geti orðið ýmislegs
vísari, sem almenningur myndi ekki vilja opinbera hverj-
um sem væri og það sé jafnvel miklu auðveldara að
psychometra manninn sjálfan enn hlutina, sem aðeins
birti brot af hugsanabliki hans. — Athugun á þessum
merkilega hæfileika ýmissa miðla á ef til vill eftir að
færa okkur sannanir fyrir því, að það sé rétt, sem fram-
liðnir menn hafa verið að segja okkur um starfhæfni
slíks hæfileika.