Morgunn - 01.12.1940, Blaðsíða 84
210
MORGUNN
Tvö frekara viðvaningsleg „spádóms-málverk“ gáfu
okkur til kynna mjög óvenjulega grein miðilsgáfunnar.
Miðillinn hafði dregið upp litaðar myndir af ókomnum
atburðum, en á bakið á myndunum var rituð lýsing af
atburðunum og sagt hvar og hvenær þeir myndu gerast.
Þar höfðu einnig verið límdar úrklippur úr dagblöðum,
sem sögðu frá tveim atburðum, sams konar þeim, sem
myndirnar höfðu spáð um, og höfðu þeir gerzt nokkrum
vikum síðar en myndirnar voru málaðar.
Baróninn sýndi enn fremur fjölda af sálrænum mynd-
um og var merkasta myndin tekin af sænskum miðli, sem
því nær er algerlega af-líkamaður sjálfur, þegar hún er
tekin. Getur sú mynd því naumast talizt til venjulegra
„sálrænna mynda“ eða „andamynda". Myndin sýnir
konu miðilsins sitja í garðbekk, þar sem þau hjónin
höfðu setið saman, en við hlið hennar sést ekkert annað
en neðri hlutinn af karlmannslegg í buxum, og hefir
hann bersýnilega verið lagður í kross yfir hinn fótinn,
sem ekki er sýnilegur. Engin móða er sjáanleg þar sem
líkami miðilsins ætti að vera á myndinni, en nokkru fyrir
ofan þar sem ætla mætti að höfuð hans væri, sést óljós
skýhjúpur, sem fullyrt er að sé eter-mynd þess líkams-
efnis miðilsins, sem búið er að leysa upp og breyta í þetta
efni.
Úr ,,Light“.