Lindin - 01.01.1932, Side 101

L I N D I N
99
Fimmtudagirm 3. sept. hófst fundur að nýju kl. 8 f.
h. með því, að sunginn var sálmurinn: Þann signaða
dag vér sjáum enn. Form. las upp Ef. 3, 14.—21. og
flutti bæn.
Var þá tekið fyrir:
7. Handbókarmálið. Formaður flutti inngangserindi
og kom með svohljóðandi tiilögu: Fundur Prestafélags-
Vestfjarða telur æskilegt: 1.) að textaröðum verði
fjölgað og pistlar og kollektur verði endurskoðuð og
endursamin og að meiri fjölbreytni komi í guðsþjón-
ustuformið eftir því hvar og hvenær guðsþjónusta er
flutt, og 2.) að sérstakt ritual verði samið fyrir guðs-
þjónustur þar, sem presturinn einn eða með örfáum
safnaðarmeðlimum gengur í kirkju til guðsþjónustu eða
fyrirbænar fyrir söfnuði.
Tillagan borin undir atkvæði í tvennu lagi og var
fyrri liður hennar samþykktur með 9 atkv. og sá síðari
með 8 atkv.
Þá skýrði sr. Böðvar Bjarnason frá ýmsum breyting-
artillögum, sem hann hefur gert við ýms atriði helgi-
siðabókarinnar og sem hann ætlar sér að senda nefnd
þeirri, sem fjallar um breytingar á helgisiðum kirkj-
unnar, kosinni af synodus. Svohljóðandi tillaga var
borin fram:
Fundur Prestafélags Vestfjarða beinir þeirri áskor-
un til helgisiðabókarnefndarinnar, að hún taki til ræki-
legrar yfirvegunar breytingartillögur sr. Böðvars
Bjarnasonar, Rafnseyri, og telur þær yfirleitt stefna í
rétta átt. Tillagan borin undir atkvæði og samþykkt í
einu hljóði.
8. Fundurinn samþykkti í einu hljóði að senda svo-
hljóðandi símskeyti: