Almanak Hins íslenska þjóðvinafélags - 01.01.1919, Blaðsíða 83

ur mikill í Moskvu, og sóttu pangað fulltrúar hvaðan-
æfa að úr rússneska ríkinu. En ekkert samkomu-
lag náðist þar, er bælt gæti niður stéttabaráttuna og
flokkadrættina heima fyrir. Kerensky hafði, þegar
taflið stóð sem verst fyrir Rússum, og hættan var
sem mest af sókn miðveldahersins austur á bóginn,
verið gerður að alræðismanni. Nokkru síðar stofn-
aði hann samsteypu-ráðuneyti, og tókst þó ekki að
fá alla flokka hinna efnaðri stétta til liðs við sig, og
há-kröfumennirnir urðu honurn nú meira og meira
fráhverfir vegna sambands hans við andstöðuflokka
þeirra. Yfirforingi hersins, Korniloíf, gerði uppreisn
gegn honum, og hélt með her til Petrograd, en beið
skjótan og algerðan ósigur. Sú uppreisn var studd af
forkólfum hinna efnaðri stétta og bandamenn virtust
henni hlyntir. En rétt á eftir reis aldan hinumegin
frá. Ping Rússa var sett seint í október, en Bolsjevík-
ar, sem þar voru í minnihluta, hleyptu upp þinginu,
og síðan hófu þeir nýja borgarastyrjöld og liröktu
Kerensky og stjórn hans frá völdum. Petta var komið
í kring um miðjan nóvember. Foringi þessarar bylt-
ingar ber nafnið Lenin, sem þó er rithöfundarnafn
hans, en ekki skírnarnafn. Pað er Ulianoff. Ilann ér
af rússneskri aðalsætt, hafði verið fluttur í Síberíu-
útlegð fyrir mörgum árum, en strokið þaðan og setst
þá að í Sviss. Par hafði hann dvalist iengi og ritað
margar bækur, sem sagðar eru merkilegar, um þjóð-
skipulagsfræði og hagfræði, og um ástandið í Rúss-
landi og endurreisn þess. Kenning hans er, að öreiga-
lýðurinn um allan heim ætti að taka höndum sam-
an, ná til sín völdum á öllum sviðum og skapa nýtt
fyrirkomulag á öllum viðskiftum, bæði milli einstak-
linganna og þjóðanna. Hann hafði komið til Rúss-
lands um Pýzkaland vorið 1917, og tók þegar að
halda fram skoðunum sínum i blaði, sem hann
stofnaði i Pctrograd og náði geysimikilli úlbreiðslu.
Eftir júlí-uppþotið varð hann að flýja og fór um
(55)