Tímarit Máls og menningar - 01.05.1945, Side 135

BÓKAFREGNIR
125
BÆKUR UM NÚTÍMAVIÐBURÐI OG FERÐABÆKUR
Ted W. Lawson: Thirty Seconds over Tokyo (Random House 1943). Frásögn
af árás Doolittle og manna hans á Tokíó 18. apríl 1942, fyrstu loftárásinni á
höfuðborg Japans, og einu mesta hernaðarafreki jiessarar styrjaldar, eftir einn
árásarflugmannanna. Flugvél hans hrapaði í Kínahaf, hann missti annan fót-
inn og var fluttur á ævintýralegan hátt [jvert yfir Kína til Indlands og þaðan
til Ameríku aftur. 221 bls. Verð kr. 20.00.
John Steinbeck og E. F. Ricketts: Sea oj Cortez (Viking 1941). Lýsing á
rannsóknarferð tveggja vina, rithöfundar og lífeðlisfræðings, til Kaliforníuflóa
og rannsóknum þeirra þar ásamt skýrslu um þau sævardýr, er þeir fundu.
598 bls. + 40 bls. myndir. Verð kr. 50.00.
Pierre van Paasen: That Day Alone (Dial Press 1942). Höfundur er blaða-
maður, en bókin er frábrugðin flestum blaðamannabókum, því að höfundur
skyggnist dýpra en stéttarbræðrum hans er tamt. Bezt lætur honum að lýsa
afrekum og hetjuskap óbreyttra borgara, hvort heldur er í Ilollandi, á Java
eða í Síberíu. Höfundur áfellist af heilagri reiði ranglæti og ofbeldi í bverri
mynd sem er. 548 bls.
Sami: The Forgotten Ally (Dial Press 1943). Frásögn um þátttöku og afrek
Gyðinga í yfirstandandi styrjöld, sem höfundi finnst hafa verið hljóðara um
en skyldi, og ráð til að leysa Gyðingavandamál Evrópu. 343 bls. Verð kr. 27.50.
ÆVISÖGUR
Edna Ferber: A Peculiar Treasure (Garden City 1942). — Sjálfsævisaga
skáldkonu af Gyðingaættum, fæddrar í mið-vesturríkjum Bandaríkjanna. Hún
er íslenzkum lesendum kunnug af skáldsögunni Svona stór, sem birtist í Þjóð-
viljanum. 398 bls. Verð kr. 10.00.
Gene Fowler: Good Night, Sweet Prince (Viking 1944). Ævisaga kvik-
myndaleikarans Johns Bariymores, rituð af einum vina hans. Hreinskilnisleg
frásögn um kosti og galla, sigra og ósigra mikils Ieikara og merkilegs manns.
XVI + 477 bls..+ 16 bls. myndir. Verð kr. 35.00.
SAFNRIT
Klaus Mann og Hermann Kesten: Heart oj Europe (Fischer 1943). Sýnis-
bók evrópiskra bókmennta 1920—1940. Sögur, kvæði og ritgerðir eftir 162
böfunda frá 21 Iandi. Þeir sem halda, að bókmenntir hafi legið í dái í Evrópu
árin á milli stríðanna, ættu að lesa það, sem í bók þessari er eftir Thomas
Mann, Proust, Malraux, Ignazio Silone, Aragon, Ritke, Kafka og Bert Brecht,
svo aðeins séu fáir nefndir. XXXVI + 970 bls. Verð kr. 50.00.
Hclen Rex Keller: The Readers Digest oj Books (Macmillan 1942). Útdrátt-
ur úr 2400 bókum, skáldsögum, leikritum, vísindaritum, sagnfræðiritum og
ritgerðasöfnum frá Homer til Sigrid Undset. 1447 bls. Verð kr. 19.80.
BÓKABÚÐ MÁLS OG MENNINGAR
Laugavegi 19 og Vesturgötu 21 . Reykjavík . Sími 5055 . Pósthólj 392