Tímarit Máls og menningar - 01.05.1945, Qupperneq 137

RÖDD FRÁ NORÐURLÖNDUM
127
þýða minna úr dönsku og norsku — bókmenntir þessara bróðurlanda er öllum
skylt að geta lesið á frummálinu — en þýða í stað þess bækur beztu íslenzku
nútímahöfundanna. Það mun borga sig og það er nauðsynlegt, að hér verði
bafizt handa sem fyrst, því ýmsir íslenzkir höfundar verða nú að skrifa á
norsku eða dönsku til að vera lesnir í Skandínavíu. Að síðustu vil ég láta í
1 jós þá skoðun, að sjálfsagt sé að efna til sænsks styrks til vísindarannsókna
fyrir a. m. k. einn fslending árlega og auka að miklum mun sænskar náms-
styrkveitingar til íslenzkra stúdenta."
S. Þ.
MÁL 0G MENNING
Eg heyri, að mörgum féiagsmönnum sárnar, hve útgáfan dregst á Arfi Islend-
inga og Mannkynssögunni. En segja verður hverja sögu eins og hún gengur:
handritin að framhaldi þessara verka eru ókomin til útgáfunnar. Óþolinmæði
félagsmanna er skiljanleg, en ekki tjáir að deila við drottinn, og ekki heldur
við þá, sem hafa andleg verk í smíðum og vilja gera þau vel úr garði. Félags-
menn mega ekki heldur gleyma stríðinu, hvernig það hélt fyrir okkur Sigurði
Þórarinssyni í Svíþjóð, en hann átti að rita meginið af tveim bindum Arfsins.
Nú er Sigurður loksins kominn heim, og tekinn alvarlega til starfa. Og félags-
menn mega treysta því, að bæði Arfurinn og Mannkynssagan koma, og þegar
lengra líður frá, mun aldrei verða um það spurt, hve langan tíma tók að semja
verkin, heldur hinu, hversu góð þau eru og vandlega unnin.
Félagsmönnum sumum finnst, að Mál og menning ætti að gefa meira út og
hafa árgjaldið hærra, og koma fram óskir um að hækka það upp í 50 eða jafn-
vel 100 krónur. Stjórn og félagsráð Máls og menningar hafa ekki viljað verða
við þessum óskum og ekki talið rétt að víkja af þeim grundvelli, sem félagið
er reist á: að sjá um útgáfu handa almenningi og miða verð bókanna við það,
að hinir fátækustu hefðu ráð á að kaupa þær. Við höfum því haldið okkur fast
að því að hækka árgjaldið aðeins í samræmi við vísitölu, eða nú upp í 30 kr.
Við verðum því að liggja enn undir því ámæli þetta árið að vera of vægir í
skattheimtu við félagsmenn, og mun það sjaldgæf ásökun á stjórnir. En við
höfum okkur nokkuð til afsökunar í ár. Félagsmenn muna, að í fyrra ákváðum
við útgáfu á vísindaritinu Undrum veraldar. Það er geysistór bók, 900—1000
blaðsíður í Skírnisbroti. Ilún er nú í prentun og kemur út í haust. Þessa bók
hefur Mál og menning hugsaS sér aS selja félagsmönnum á aSeins 50 kr.
(hefta), en hún gerir það í þvi trausti, að flestir eða allir félagsmenn kaupi
hana, því að verðið er svo lágt á bókinni, að hún gæti ekki orðið öllu ódýrari
sem félagsbók. Við höfum heldur viljað velja þessa leið frjálsra áskrifta en
beina hækkun árgjaldsins, en hins vegar teljum við, að Undur veraldar sé bók,
sem allir félagsmenn ættu að eignast, og skorum við á þá að líta svo á sem
Undur veraldar sé félagsbók og árgjaldið þá 80 kr. í stað 30 króna.