Tímarit Máls og menningar - 01.05.1953, Síða 27

SKÚLI ÞÓRÐARSON:
Kínverska byltingin og stjórnskipun
alþýðulýðveldisins
Skúli Þórðarson sagnfræðingur var einn af þeim sem boðnir voru til
Kína í haust. Hann ferðaSist mánaðartíma um landið og kynnti sér
einkum stjómarhætti hins nýja alþýðulýðveldis. Þegar heim kom
bauð hann íslenzka ríkisútvarpinu tvö erindi til flutnings, en meiri-
hluti útvarpsráðs hafnaði flutningi á þeim, og birtast þau hér að
öllu leyti óhreytt, eins og þau voru boðin útvarpinu. Neitun útvarps-
ráðs talar sínu máli og þarf ekki skýringar við. Ritstj.
I
Kína er að mestu umkringt hrikalegum, torfærum fjöllum, víðáttu-
miklum eyðimörkum og mesta úthafi heimsins. Samgöngur við önnur
lönd hafa því verið torveldar og öll samskipti við umheiminn óhæg.
Það hefur því um aldaraðir verið heimur út af fyrir sig, menning þess
hefur orðið sérstæð og á ýmsum sviðum komizt á hærra stig en í nokkru
öðru landi veraldar, enda er hún sú elzta sem hefur haldizt órofin. A
miðöldum bárust ýmsar mikilvægar uppfinningar frá Kína til hinna
menningarsnauðu vesturlanda, og á menning okkar því Kínverjum mik-
ið að þakka.
Framleiðsla Kínverja hefur um langan aldur verið margþætt, og get-
ur þjóðin sjálf framleitt flest það er hún þarfnast og hefur þvi litla á-
stæðu haft til viðskipta við erlendar þjóðir. Sjálfir hafa Kínverjar jafn-
an verið lausir við ágengni, viljað lifa í friði og vera lausir við afskipti
annarra af sínum málum. Er það mjög sjaldgæft í sögu þeirra að stjórn-
in hafi seilzt til landvinninga, enda þótt Kínverjar hafi borið ægishjálm
yfir nágranna sína og margsinnis verið í lófa lagið að undiroka þá. En
þeir hafa oft reynt að komast sem mest hjá samskiptum við aðrar þjóð-
Timarit Máls og menningar, 1. h. 1953 2