Tímarit Máls og menningar - 01.05.1953, Síða 55

HUGSJÓN GEGN HRÆÐSLU
45
unnar á íslandi, kostnaðurinn greiddur með dollurum, — marsjalláætl-
un í nýju formi.
Ég þarf ekki að fjölyrða um nauðsyn þess að komið sé í veg fyrir
þessa herstofnun. Við vitum öll hvað í húfi er.
En hvernig sem fara mun, jafnvel þó að yfirstéttinni takist að stofna
þennan her, þá skulum við aldrei gleyma því, að úrslitin í baráttunni
geta aðeins orðið á einn veg. Þetta er nefnilega, þrátt fyrir allt, svo
ójafn leikur. Eða hvernig ætti hræðsla að sigra hugsjón?
Skal ég að lokum nefna eitt lítið dæmi um það hvernig sigurmögu-
leikarnir eru allir okkar megin. Ég sá það á fréttamynd, sem fyrir
nokkru var sýnd í Gamla bíói. Þetta var fréttamynd frá fangabúðunum
á Koje-eyju. Bandarísku hermennirnir höfðu látið kúlnahríðina dynja
á innilokuðum föngunum. En þegar skotmekkinum létti, sást hvar einn
af hinum kínversku félögum okkar stóð með óbuganlegum svip og
horfði á vélbyssu sem gapti móti honum fyrir utan girðinguna. Síðan
skyrpti hann í áttina til hennar.