Ritröð Guðfræðistofnunar - 01.01.2000, Blaðsíða 21

Trúarskáld
Þorsteinn Gíslason faðir Dómhildar, þ.e. móðurafi Valdimars, var bóndi,
fræðimaður og hreppstjóri að Stokkahlöðum í Eyjafirði. Móðir Dómhildar,
kona Þorsteins, var Sigríður Arnadóttir bónda að Vöglum í Eyjafirði. Faðir
Þorsteins hreppstjóra og afi Dómhildar, var Gísli Hallgrímsson bóndi að Krist-
nesi í Eyjafirði. Kona hans og móðir Þorsteins, var Helga Þorsteinsdóttir. Þor-
steinn Ketilsson faðir hennar var fæddur árið 1688, d. 25. okt. 1754. Þorsteinn
þjónaði Páli Vídalín lögmanni fyrir og eftir stúdentspróf 1709. Hann var læri-
sveinn Jóns biskups Vídalíns í ræðugerð og klerklegum listum, prestur að
Hrafnagili 1714 til dauðadags og prófastur Vaðlaþings 1723-1751. Harboe
mælti með honum sem Hólabiskupi 1742. Þorsteinn hafnaði því boði. Góð-
ur ræðumaður var hann og skáldmæltur. Kona hans var Dómhildur Eiríksdótt-
ir, f. um 1717, d. 1805. Hún var síðari kona síra Þorsteins.
Dómhildur Þorsteinsdóttir, kona Ólafs Briem að Grund, óttaðist af draum-
um, að dauðinn kynni að höggva skarð í ættir þeirra hjóna. Kom fram það,
sem hún óttaðist mest, munaðarleysi barnanna. Svo stórt var það skarð, að
bæði hjónin dóu með átta mánaða millibili frá bömum sínum, Dómhildur þann
25. 5. 1858 og Ólafur þann 15. 1. 1859.
Þá var elsta barn þeirra nítján ára og yngsta barnið tveggja ára. Alls eign-
uðust þau fjórtán börn.
Systkinin voru í aldursröð:
Sigríður kona síra Davíðs Guðmundssonar á Hofi, móðuramma Davíðs
Stefánssonar, skálds, - síra Eggert Briem á Höskuldsstöðum, - Haraldur Ó
Briem, bóndi og hreppstjóri á Búlandsnesi, - Rannveig, lifði í 4 daga, - Krist-
ján, lifði til tuttugu og sex ára aldurs. Um hann sagði Rannveig systir hans,
sú er flutti til Vesturheims, að í honum hefði búið jafnmikið skáld og í Valdi-
mar bróður þeirra. Kristján átti heima á Akureyri, ljóð eftir hann komu í Norð-
anfara og Ganglera á Akureyri. - Jóhann flutti til Vesturheims, - Ólafur, lifði
í 6 mánuði. Sá áttundi í röðinni er síra Valdimar, - Gunnlaugur, lifði í eitt ár,
næsti drengur hét líka Gunnlaugur, hann drukknaði í Norðurá aðeins 22ja ára
gamall. Ólafur, var trésmiður, - Rannveig, kona Sigtryggs Jónassonar skip-
stjóra, flutti til Vesturheims með manni sínum, - Jakob, lifði í eitt ár og yngst-
ur barnanna var annar Jakob, sem flutti til Vesturheims og kenndi þar börn-
um íslenskra landnema tungu feðranna. Jakob lést þar 73ja ára gamall.
1 Þessi ættartala er samkv. upplýsingum frá Hreini Erlendssyni sagnfræðingi. Björn Páls-
son, héraðsskjalavörður á Héraðsskjalasafni Amessýslu, hefur veitt mikilvægan aðgang
að upplýsingum og fróðleik varðandi efni ritgerðarinnar. Guðni Kolbeinsson íslenskufræð-
ingur hefur veitt ómetanlega aðstoð við yfirlestur ritstarfa höfundar á árinu og holl ráð.
Jósefína Hansen bókmenntafræðingur og íslenskukennari á Selfossi, hefur veitt góð ráð
um skipulag ritgerðarinnar.
19