Ritröð Guðfræðistofnunar - 01.01.2000, Blaðsíða 153
Konurnar í Gamla testamentinu
frá dóttur og tengdamóður, Rut og Naómí, sem ekki láta bugast af erfiðum
aðstæðum og ná að lokum að vinna sig út úr þeim. Á yfirborðinu virðist merk-
ing sögunnar vera mikilvægi vináttu þessara tveggja kvenna. Hins vegar hafa
konur spurt hvort karlar hafi skrifað þessa sögu, og varðveitt hana, í þeim til-
gangi að vera fyrirmynd að sambandi eiginkonu og tengdadóttur. Ritskýrend-
ur úr röðum kvenna eru ekki á eitt sáttar um merkingu sögunnar og hversu
jákvæð hún sé sem fyrirmynd kvenna á okkar tímum. En flestar eru þær sam-
mála um að sagan, sem og allar aðrar sögur, geti haft fleiri en eitt merking-
arsvið, sem séu mismunandi hliðholl konum.3
Kvenguðfræðingar nálgast sumsé texta Biblíunnar á mismunandi hátt.
Katharine Doob Sakenfeld, prófessor í gamlatestamentisfræðum við Princeton
Theological Seminary, telur að greina megi nálgunarleiðirnar í þrjá flokka.4
I fyrsta flokknum er áherslan lögð á að finna jákvæða texta um konur til mót-
vægis við texta sem einkennast af neikvæðri afstöðu til kvenna. Á meðal
þekktra texta sem notaðir hafa verið gegn konum eru: síðari sköpunarsagan
og frásagan af syndafallinu í 2. og 3. kafla 1. Mósebókar; 1. Korintubréf 14.
kafli, þar sem konum er skipað að þegja á safnaðarsamkomum; 1. Tímóteus-
arbréf 2. kafli, þar sem talað er um að konur eigi að læra í kyrrþey og vera
kyrrlátar, auk þess sem því er haldið fram að konur verði hólpnar sakir barns-
burðarins; og 5. kafli Efesusbréfsins, þar sem konum er fyrirskipað að vera
eiginmönnum sínum undirgefnar í öllu. Konur hafa ýmist nálgast þessa texta
með því að sýna fram á að þeir séu ekki svo neikvæðir, ef þeir eru túlkaðir
upp á nýtt, eða þá að aðrir textar, sem fjalla um konur á jákvæðari hátt, eru
dregnir fram í dagsljósið til þess að vega upp á móti neikvæðari textum. Dæmi
um slíka texta er umfjöllun Páls í 3. kafla Galatabréfsins um hið nýja samfé-
lag í Kristi, þar sem allir eru eitt í Kristi og ekki er lengur um að ræða að-
greiningu eftir kyni, kynþætti eða stétt. Aðrir textar sem draga upp jákvæða
mynd af konum fjalla meðal annars um spákonurnar Mirjam og Debóru, Sam-
versku konuna, konurnar við gröfina og Priskillu leiðtoga í frumkirkjunni.5
3 Russell og Clarkson, ritstj.: Dictionary of Feminist Theologies. 1996. Louisville, Kentucky:
Westminster John Knox Press, 26. Sjá einnig umfjöllun um Rutarbók í The Women’s Bible
Commentary, Carol A. Newsom og Sharon H. Ringe, ritstj., 78-84.
4 Russell: Feminist Interpretation of the Bible, 57
5 Á 8. og 9. áratugnum komu út bækur sem höfðu það að markmiði að sýna fram á að Kristur
hafi verið kvenréttindasinni. Hér er um að ræða svokölluð „Jesus-the-feminist“ rit. Á meðal
þeirra eru bækur Rachel Conrad Wahlberg: Jesus According to a Woman (New York: Paulist
Press, 1975) og Jesits and the Freed Woman (New York: Paulist Press, 1978); Virginia Mollen-
kott: Women, Men and the Bible ( Nashville: Abingdon Press, 1977); Leonard Swidler: Biblical
Affirmations ofWomen (Philadelphia; Westminster, 1978); Frank and Evelyn Stagg: Women in
tlie World ofJesus (Philadelphia: Westminster, 1978); Elisabeth Moltmann-Wendel: Tlte Women
Around Jesus: Reflections on Authentic Personhood, ensk þýðing John Bowden (London: SCM
Press LTD, 1982).
151