Ritröð Guðfræðistofnunar - 01.01.2000, Blaðsíða 258
Pétur Pétursson
IV.
Lárus hafði á yngri árum verið einn harðasti baráttumaður gegn dönskum yf-
irráðum á Islandi og gekk þar lengra en flestir aðrir svo við lá að hann stofn-
aði eigin velferð í hættu.4 Kirstín kona Lárusar var uppeldisdóttir Péturs bisk-
ups Péturssonar og Lárus var um tíma ritari hans. Eftir fárra ára prestsþjón-
ustu austur á landi varð hann að segja af sér embætti vegna ágreinings við
söfnuðinn og kirkjustjórnina um helgisiði. Þegar þetta gerðist hafði hópur
fólks í Hólmaprestakalli gert uppreisn móti veraldlegum og andlegum yfir-
völdum eftir að þeim hafði verið skikkaður prestur af yfirvöldunum sam-
kvæmt gildandi lögum og reglum, en söfnuðurinn hafði viljað annan prest sem
starfað hafði í prestakallinu sem aðstoðarprestur í mörg ár. Þetta fólk sagði
sig úr þjóðkirkjunni og leitaði nú á náðir séra Lárusar sem ekki hafði þá að
mörgu að hverfa. Hann sá sér leik á borði og tók köllun þeirra og gerðist prest-
ur og talsmaður fríkirkjumanna á Reyðarfirði og um leið fríkirkjuhugsjón-
arinnar yfirleitt og aðskilnaðar ríkis og kirkju á Islandi.
Messuklæði og serimoníur kallaði séra Lárus danskt tildur og þarna fór
saman andúð hans á yfirráðum Dana á Islandi og kirkjunni sem staðnaðri rík-
isstofnun. Honum var í nöp við formlegheitin og ritúal sem honum þótti
skyggja á boðun fagnaðarerindisins og lifandi og starfandi kristindóm. í blaði
sínu notar hann tækifærið til þess að kynna þessa afstöðu sína rækilega.
Lárus Halldórsson var að mörgu leyti hallur undir kalvínska guðfræði og
kirkjuskilning og þess vegna vildi hann sem minnst af altarisþjónustu vita en
lagði þeim mun meiri áherslu á predikunina. I blaði sínu lýsir hann hvernig
kvöldmáltíðarsakramentið var um hönd haft í fríkirkjusöfnuðinum á Reyðar-
firði. Eflaust hefur hann haft þessa athöfn með svipuðu sniði þann tíma sem
hann þjónaði Fríkirkjusöfnuðinum í Reykjavík:
Hið eina, sem fyrirskipað er um þessa athöfn í lögum safnaðarins, er að lesin skuli
innsetningarorðin og útdeilt brauði og víni, og að skriptir fari á undan. En skript-
irnar voru eigi hafðar á undan guðsþjónustunni eða „fyrir messu“, og eins og í
þjóðkirkjunni, heldur beint á undan athöfninni sjálfri. Að öðru leyti var allt mjög
líkt því sem venja er til, nema minna ceremoníusnið á öllu, ekkert tónað, enginn
skrúði, engin ljós. Brauðið og vínið var á algengu borði með hvítum dúki á, er
stóð í kór kirkjunnar, þangað gengu allir [smátt og smátt] og neyttu standandi,
og presturinn neytti með söfnuðinum...
Það er ekki náttúrulegt að pesturinn beri brauðið og vínið að munni hvers og eins.
Kristur sagði: „takið.“ Útdeilingar orðin („þetta er Jesú Krists sannur líkami“,
„sannarlegt blóð“) eru líka allt of ramm-„orþodox“ eða réttara að segja kaþólsk.
4 Þorsteinn Thorarensen: Eldur í œðum. Myndir úr lífi og viðhorfum þeirra, sem voru uppi
um aldamót. Reykjavík. Bókaútgáfan Fjölvi, s. 50.
256