Ritröð Guðfræðistofnunar - 01.01.2000, Blaðsíða 261
Vér undirskrifaÖir"
fyrirkomulagi kirkjumála og trúarlífi landsmanna og hallaðist á sveif með
þeim sem vildu endurskoðun á sambandi ríkis og kirkju með það fyrir aug-
um að stofna fríkirkju. Hann sagði:
Ýmsir menn segja, að oss íslendinga vanti, nú sem stendur, þann trúarhita, sem
sé nauðsynleg undirstaða fríkirkjunnar; en vanti hann, sem vel kann að vera, þá
verður það að hafa það, og kirkjan að deyja út, þar sem svo báglega er ástatt.
Hún er þá líka naumast verðug að lifa þar af eintómum ríkisstyrk. Samt óttast ég
þetta eigi svo mjög.8 9
Hugmyndin um aðskilnað íslensku kirkjunnar og danska ríkisins og stofnun
þjóðlegrar fríkirkju átti miklu fylgi að fagna um aldamótin. Þessi fríkirkju-
hreyfing var nátengd pólitísku baráttunni fyrir auknu sjálfstæði íslendinga og
andófinu gegn áhrifum Dana á stjórn landins. íslendingar vildu ráða sínum
málum sjálfir í, kirkjumálum sem og öðrum málum án íhlutunar dönsku
stjórnarinnar og embættismanna hennar. Mörgum fannst óþolandi að þurfa að
lúta valdi landshöfðingja sem var ábyrgur fyrir dönsku stjórninni í kirkjumál-
um sem og öðrum málum. Eitt af því sem fríkirkjufólk vildi fá í sínar hend-
ur var vald til að ráða og reka prest. Þetta kom skýrt fram í viðtali sem blað-
ið Isafold átti við Olaf Runólfsson sem, eins og áður segir, hafði verið kosin
í fyrsta safnaðarráðið:
Vér spurðum [Ólaf Runólfsson] hvernig á því stæði að þessi hreyfing hefði kom-
ist á, hverja grein hann vilji fyrir því gera að menn hefðu í þetta ráðist. Hann
kvaðst ekki vilja svara fyrir aðra en sjálfan sig einan. En fyrir sér hefði það vak-
að, að fyrirkomulag þjóðkirkjunnar væri óhafandi og því þætti sér full ástæða til
að sjá trúarþörf sinni borgið á annan hátt, hve nær sem kostur væri á.
Isafold spurði hvert atriði það væri á fyrirkomulagi þjóðkirkjunnar, sem hann væri
einkum mótfallinn. Það, svaraði hann, að menn eiga það á hættu að fá með öllu
óhæfa presta, og að geta ekki með nokkru móti við þá losnað, þó að þeir hafi
sýnilega sannast vera með öllu óhæfir. Því til sönnunar vísaði hann í reynslu sína
og annarra á Austurlandi.
Vér spurðum hann hvort hann væri ekkert hræddur um, að menn mundu uppgef-
ast og leggja árar í bát. Að því vildi hann engum getum leiða. En svo framarlega
sem ekki sé unt að halda uppi fríkirkju hér í Reykjavík, sé þar með fenginn
nokkurn veginn sönnun fyrir því að það sé hvervetna ókleift hér á landi.y
Kosningaréttur sóknarfólks varð að réttlætismáli fólksins og eitt af því sem
sett var á oddinn í sjálfstæðisbaráttunni. Full réttindi almenns safnaðarfólks
í þjóðkirkjunni að þessu leyti voru ekki tryggð fyrr en með lögum frá Alþingi
8 Þjóðólfur 20/5 1898.
9 ísafold 29/11 1899.
259