Ritröð Guðfræðistofnunar - 01.01.2000, Blaðsíða 202
Einar Sigurbjörnsson
Kristur Jesús er sá sem dáinn er. Og meira en það: Hann er upprisinn, hann er
við hægri hönd Guðs og hann biður fyrir oss. (Rm 8.34)
Sama mynd er notuð í Hebreabréfinu:
Jesús er að eilífu og hefur prestdóm þar sem ekki verða mannaskipti. Þess vegna
getur hann og til fulls frelsað þá, sem fyrir hann ganga fram fyrir Guð, þar sem
hann ávallt lifir til að biðja fyrir þeim. (Heb 7.24-25)
Orðið sáttargjörð sem Páll notar í síðara Korintubréfi, 5. kapitula, er af öðr-
um toga. Orðið sem þar er notað er notað um þegar yfirvald, t.d. konungur,
tekur undirmenn í sátt við sig, refsar þeim ekki, heldur gefur upp sakir. Páll
orðar það á þessa leið:
Allt er frá Guði, sem sætti oss við sig fyrir Krist og gaf oss þjónustu sáttargjörð-
arinnar. Því að það var Guð, sem í Kristi sætti heiminn við sig, er hann tilreikn-
aði þeim ekki afbrot þeirra og fól oss að boða orð sáttargjörðarinnar. (2Kor 5.18-
19)
Mannkynið er m.ö.o. í sporum uppreisnarseggja sem Guð tekur í sátt. Og á
grundvelli þeirrar sáttargjörðar er boðuð sáttargjörð mannkyni. Sama segir
hann í Rómverjabréfinu:
Því að ef vér vorum óvinir Guðs og urðum sættir við hann með dauða sonar hans,
því fremur munum vér frelsaðir verða með lífi sonar hans, nú er vér erum í sátt
teknir. (Rm 5.10)
Hvert sem orðið er, er veruleikinn hvarvetna sá sami: Fyrir líf, dauða og upp-
risu Jesú er settur friður milli Guðs og manna. Sá friður á að leiða til friðar
meðal manna. „Vér biðjum í Krists stað: Látið sættast við Guð!“ segir Páll
og Jóhannes segir á líkan hátt:
Þér elskaðir, fyrst Guð hefur svo elskað oss, þá ber einnig oss að elska hver ann-
an. (lJh 4.11)
í kirkjunni hefur dauði Krists verið skýrður með skírskotun til hinna biblíu-
legu mynda og einkum hafa komið fram þrjár kenningar sem einu nafni hafa
verið nefndar friðþægingarkenningar eða kenningar um hjálpræðið. Fyrstu
aldimar í sögu kirkjunnar voru dauði Jesú og upprisa einkum skýrð út frá átök-
um. Jesús var séður sem sá sem barðist við þær ógnir sem steðja að mann-
kyni og bar þar hæst dauðann. Afleiðing dauða hans er lífgjöf vor mannanna.
A miðöldum varð áberandi sú túlkun sem skýrði dauða Krists þannig að hann
hefði með dauða sínum bætt fyrir óhlýðni manna við boðorð Guðs eða tekið
út þá refsingu sem mönnum ber fyrir syndir sínar og afbrot. Loks varð á seinni
öldum algeng sú túlkun að líta á Krist sem siðferðislega fyrirmynd og væri
þá dauði hans þess konar kærleiksfóm sem megnaði að tendra kærleika í hjört-
um mannanna og hvetja menn til góðrar breytni. Allar þessar túlkanir hafa
200