Ritröð Guðfræðistofnunar - 01.01.2000, Blaðsíða 99
Trúarskáld
Vita Valdimars vígslubiskups Briem
Eg Valdimar Briem er fæddur á Grund í Eyjafirði 1. febrúar 1848.
Foreldrar mínir voru Olafur Gunnlaugsson Briem, timbur-
meistari, er þá bjó á Grund, og kona hans Dómhildur Þorsteins-
dóttir. - Hjá þeim ólst eg upp á bernskuárunum í hóp margra systk-
ina, er sum voru eldri en eg, en sum yngri.
Sumarið 1858 dó móðir mín, og faðir minn veturinn eftir, rétt
eftir nýár. Sundraðist þá heimilið um vorið, og börnin tvístruðust
í ýmsa staði. Eg var tekinn til fósturs af föðurbróður mínum síra
Jóhanni prófasti Briem í Hruna og konu hans Sigríði Stefánsdótt-
ur. Ólst eg þar upp með börnum þeirra: Steindóri, er síðar varð
prestur í Hruna eftir föður sinn og Ólöfu, er síðar varð eiginkona
mín.
Árið 1861 byrjaði eg að lesa undir skóla, og var kennari minn
Páll Blöndal, er þá var stúdent, en síðar varð héraðslæknir. Árið
1863 fór eg í latínuskólann í Reykjavík og var hin venjulegu 6 ár:
útskrifaðist eg þaðan 1869. Næsta vetur kenndi eg skólalærdóm
heima í Hruna. Síðan gekk eg 2 ár í prestaskólann og tók þar emb-
ættispróf 1872. Næsta vetur var eg við kennslustörf í Reykjavík.
Árið 1873 sótti eg um og fékk Hrepphólaprestakall í Árnes-
prófastsdæmi og var prestvígður þangað 27. apríl sama ár. Þá um
vorið fór eg að búa í Hrepphólum.
Sama sumar 12. júní kvæntist eg frændkonu minni og fóstur-
systur Ólöfu Jóhannsdóttur Briem, er var nálægt 4 árum yngri en
eg. Er það hið mesta happaspor mitt á lífsleiðinni.
Við eignuðumst tvo syni: Jóhann Kristján f. 1874, og Ólaf f.
1875. Jóhann dó í 4. bekk latínuskólans 1892; hann var efnileg-
asti námsmaður og hvers manns hugljúfi. Ólafur gekk einnig
skólanámsveginn og varð aðstoðarprestur minn árið 1900; hefir
hann verið það síðan.
Árið 1880 var Hrepphólaprestakall sameinað Stóra-Núps
prestakalli, og leiddi það til þess, að eg fluttist að Stóra-Núpi. Hefi
eg dvalið þar síðan og aldrei sótt um annað prestakall. Hefi eg
unað mér þar vel, enda átt góðu að mæta hjá söfnuðum mínum.
Búskapurinn gekk og sæmilega, sem mest var að þakka konu
minni, og svo öðru góðu fólki.
97