Ritröð Guðfræðistofnunar - 01.01.2000, Blaðsíða 154
Arnfríður Guðmundsdóttir
Telur Sakenfeld að styrkur þessarar nálgunar felist í áherslunni á fjölbreyti-
leika Biblíunnar, þar sem lögð er áhersla á að innan Biblíunnar sé að finna
ekki bara neikvæða heldur einnig jákvæða texta um konur.6 Af þessu er síð-
an dregin sú niðurstaða að Biblían sé ekki alvond og þess vegna skuli henni
ekki hafnað sem alvondu feðraveldisplaggi! Vankantarnir felist hins vegar í
skorti á samstöðu um endurtúlkun þessara texta og mælikvarða á það hvern-
ig skuli valið á milli texta sem styðja óbreytt ástand og þeirra sem kalla á
breytingar til batnaðar.7
í öðru lagi nefnir Sakenfeld þær konur sem byggja nálgun sína á guðfræði-
legu sjónarhorni sem þær telja liggja til grundvallar ritningunni og fela í sér
gagnrýni á feðraveldið.8 Hér er um að ræða guðfræðilegt sjónarhorn sem að
mati þessara kvenna endurspeglar kjarna fagnaðarerindisins og þær nota til
að varpa ljósi á texta ritningarinnar. Þekkustu dæmin um slíka nálgun er að
finna í verkum bandarísku guðfræðinganna Rosemary Radford Ruether og
Letty Russell. í guðfræði sinni leggur Ruether áherslu á liina spámannlegu
frelsunarhefð (prophetic-liberating-tradition), sem hún telur grundvallandi fyr-
ir fagnaðarboðskap ritningarinnar, bæði Gamla og Nýja testamentisins, og not-
ar sem mælikvarða á einstaka texta, bæði innan ritningarinnar og guðfræði-
hefðarinnar.9 Ruether bendir á að í anda spámannanna og Krists kalli þessi
hefð á stöðuga endurskoðun skipulags og ríkjandi gilda þjóðfélagsins, í þágu
þeirra sem tilheyra jaðarhópum samfélagsins. Markmiðið er frelsun þeirra sem
þola ofbeldi og kúgun sem og mótun samfélags sem byggir á réttlæti og friði
að boði Guðs.
Líkt og Ruether, leggur Letty Russell áherslu á frelsunarboðskap Biblíunn-
ar.10 Russell staðsetur boðskap Biblíunnar um frelsun kvenna ekki í einstök-
um sögum, heldur fyrirheiti Guðs um endurreisn allrar sköpunarinnar, sem
ritningin öll ber vitni um. Forn heimsmynd Biblíunnar er að mati Russell mót-
uð af hugmyndum feðraveldisins, en víða sé að finna mótsagnir og margræð-
an boðskap. Engu að síður telur Russell að vitnisburðurinn um ást Guðs og
fyriheitið um hina nýju sköpun, sem á upphaf sitt í Kristi og hann ber vitni
um, gefi von um betri framtíð, framtíð án óréttlætis í formi kynja-, kynþátta-
og stéttamisréttis.* 11
6 Russell: Feminist Interpretation of the Bible, 58.
7 Sama heimild, 58-59.
8 Sama heimild, 59.
9 Russell, 113. Sjá einnig Rosemary Radford Ruether. Sexism and God-Talk. Toward a Feminist
Theology, 1983. Boston: Beacon Press, 22-27.
10 Um túlkunaraðferð Letty Russell má meðal annars lesa í bók hennar Feminist Interpretation of
theBible, 137-146.
11 Framtíðarmótífið spilar lykilhlutverk í guðfræði Letty Russell. Sjá til dæmis bók hennar
Household of Freedom. Authority in Feminist Tlieology. 1987. Philadelphia: The Westminster
Press, 17-28.
152