Ritröð Guðfræðistofnunar - 01.01.2000, Blaðsíða 88
Rósa B. Blöndals
greina er skrifaðar voru honum til heiðurs. Síra Árni Sigurðsson, fríkirkju-
prestur skrifaði langa grein, er fjallar um persónuleg kynni hans af skáldinu
á Stóra-Núpi og er fjölbreytt lýsing á lífshlaupi síra Valdimars. Greinin er í
Kirkjuritinu 1. hefti 14. árg. árið 1948. Er sú grein mikil heimild um líf og
starf síra Valdimars. Lést síra Árni árið eftir aldarafmæli síra Valdimars, svo
þar mátti litlu muna að við misstum mikilvægar heimildir og afbragðs grein
frá persónulegum vini skáldsins.
Einnig skrifaði síra Ólafur Ólafsson, prestur að Kvennabrekku ágæta grein
í tilefni aldarminningar Valdimars í sama eintak Kirkjuritsins. Þá skrifaði síra
Jón Thorarensen grein í sama hefti er hann nefnir Sýnin á Stóra-Núpi. Hann
birti einnig heimildaríka og góða minningargrein um sr. Valdimar í Mbl. 2.
febr. 1948.1
Síra Valdimar Briem, mætti sorginni ungur, eins og getið er um hér að
framan.
Þau prestshjónin að Stóra-Núpi, frú Ólöf og síra Valdimar misstu eldri son
sinn Jóhann Kristján árið 1892, eins og fyrr er getið.
Síra Matthías Jochumson, sendi vini sínum síra Valdimar huggunarljóð í
júní hefti Kbl. 1892. Kvæðið er þrjú erindi og fer fyrsta og síðasta erindið
hér á eftir.
Til séra V. B.
„Þinn sonur lifir,“sagði Jesús forðum,
svo söngstu fyrri, kæri vinur minn,
og með þeim dýru Drottins líknarorðum,
þó deyi margir, lifir andi þinn;
já, lifir, svellur, svífur ofar foldu
með sigurkrafti meðan geisar stríð;
og hvað þá hann, sem hafinn yfir moldu,
á hvergi skylt við dauða, rúm né tíð!
1 Alþýðublaðið 1. febrúar 1948. - Tilkynning frá ritstjóra, Stefáni Péturssyni: Aldarafmœli
síra Valdimars Briem. í dag eru rétt 100 ár liðin frá fæðingu síra Valdimars Briem,
sálmaskálds og vígslubiskups. „Hefur biskup landsins mælst til þess að prestar landsins
minnist síra Valdimars í kirkjum í dag, og í kvöld er nokkur hluti dagskrár útvarpsins
helguð minningu sálmaskáldsins."
86