Ritröð Guðfræðistofnunar - 01.01.2000, Blaðsíða 188
Arni Svanur Daníelsson
borið að þótt hann væri ekki óánægður með að þeir skyldu fara. Um þetta seg-
ir hann m.a. í bréfi til Wencelas Link 18. desember 1521:
Að sjálfsögðu er ég óánægður með hina órólegu brottför sem ég hef heyrt um.
Þeir ættu að hafa skilið sig hver frá öðrum með gagnkvæmu samþykki og í friði.7
Hann hefur þó engu að síður skýringu á því hvers vegna brottför þeirra bar
svona að á reiðum höndum:
Ef til vill er þetta refsing fyrir heit sem er unnið á illan og óguðhræddan hátt -
þannig að það sem varð til í óguðhræddri einingu leysist núna sundur í óeiningu.s
Um svipað leyti urðu umbætur í klaustrinu, munkum var gefinn kostur á að
yfirgefa það og ákveðnar breytingar áttu sér stað í skipulagi þess: í stað betls
og helgihalds var lögð áhersla á prédikun fagnaðarerindisins, líkamlega vinnu
og þjónustu við fátæka og sjúka.9
Þótt kjörfurstinn hefði bannað mönnum að gera nokkrar breytingar á mess-
unni, lét Karlstadt ekki segja sér fyrir verkum.10 A jólum 1521 flutti hann
messu í kastalakirkjunni undir breyttu formi: Hann bar engin messuklæði, fór
með helgunarorðin á þýsku og ekki samkvæmt hinni venjubundnu litúrgíu,
og bauð hverjum sem kom til altaris upp á brauð og vín.* 11 Þetta hafði þegar
í stað nokkrar afleiðingar, fólk varð órólegt, sumir fögnuðu frelsinu en aðrir
voru á móti þessum helgispjöllum. Truflun varð á helgihaldi í miðnæturmessu
í öllum kirkjum. f ljósi ofangreindra atburða vildi Melankton að Lúther sneri
aftur, en kjörfurstinn lagðist gegn því. Það varð þó úr að Melankton og Lúth-
er hittust ásamt Amsdorf á nýársdag 1522.12
Karlstadt hélt síðan uppteknum hætti og tiltækið vakti mikla athygli í
Wittenberg. Fólk sótti helgihaldið vel og telja má að flestir íbúar Wittenberg
hafi meðtekið sakramentið í brauði og víni fyrir þrettándann. í kjölfarið var
sama atferli tekið upp í fleiri bæjum, þótt tilbeiðsluformið væri ólíkt á hverj-
um stað. Takmarkið með þessum umbótum virðist hvarvetna hafa verið hið
sama: Að losa fólk frá ótta við að snerta efni kvöldmáltíðarinnar og undan
kröfunni um skriftir og yfirbót á undan neyslu sakramentisins. Karlstadt var
7 WA Br 2, 415 (Bréf til Wencelas Link 18. desember 1521). LW 48, 358.
8 WA Br 2, 415 (Bréf til Wencelas Link 18. desember 1521). LW 48, 358.
9 Bornkamm: Lutlier in Mid-Career, 59.
10 Fyrir því var fordæmi því að 1515-1516 hafði hann skroppið til Rómar án þess að leita
leyfis hjá háskólanum í Wittenberg þar sem hann var prófessor. Bornkamm: Luther in Mid-
Career, 144.
11 Bornkamm: Luther in Mid-Career, 51.
12 Bornkamm: Luther in Mid-Career, 51-52. Þess má geta að um svipað leyti komu hinir
svokölluðu Zwickau-spámenn til Wittenberg, þeir ræddu m.a. við Melankton, en áhrif
þeirra voru lítil í Wittenberg og þeir fóru þaðan fljótlega.
186