Ritröð Guðfræðistofnunar - 01.01.2000, Blaðsíða 203

Friðþceging fyrir syndir manna -
eitthvað til síns ágætis, en gæta verður þess að líta á þær í samhengi eða sem
drætti í sameiginlegri mynd og varast þar með að einangra einn þáttinn og
hefja upp á kostnað annars.
III
Öll íhugun um líf manna snýst um það sem þeir unnu mest. Hvað vann Jesús
mest? Um hvað snýst íhugunin um líf hans?
Jesús kenndi, Jesús vann kraftaverk. Með því að hann var tekinn af lífi
liggur nærri að álykta að hann hafi verið deyddur fyrir það sem hann kenndi
og þau verk sem hann vann.
Mér þykir vænt um þá skýrgreiningu á því sem Jesús kenndi og vann og
er á þessa leið: Jesús lifði í þágu annarra. Jesús kenndi að líf manna væri allt
í þágu annarra (Dietrich Bonhoeffer).
Ef þessi skýrgreining er sönn, þá var Jesús deyddur fyrir að hafa unnið í
þágu annarra og kennt að menn skuli vinna í þágu annarra.
Er út frá því hægt að fullyrða að hann hafi dáið í þágu annarra?
Það er auðvitað hægt að segja það. Hann var í forsvari fyrir ákveðinn hóp
og kenning hans og verk vakti óróa sem hefði jafnvel getað leitt til uppreisn-
ar. Við það að hann, leiðtoginn, var deyddur, var hugsanlega hægt að koma í
veg fyrir uppþot og um leið hægt að þyrma lífi fylgjenda hans. Þeir gátu bara
horfið heim til sín aftur og tekið til við fyrri störf. Um leið gat líflát hans kom-
ið í veg fyrir æsingar meðal fólks og jafnvel uppþot. Samkvæmt vitnisburði
Jóhannesarguðspjalls var þetta einmitt ályktun æðsta prests Gyðinga sem
sagði:
. . . yður er betra að einn maður deyi fyrir lýðinn en að öll þjóðin tortímist. (Jh
11.50)
í þeim skilningi var dauði Jesú í þágu annarra.
Var hann það í öðrum skilningi?
Svarið við þeirri spurningu byggist á því sem við ályktum um Jesú.
Út frá postullegum boðskap Nýja testamentisins hefur kristin kirkja sagt:
Jesús er Guðs sonur, íklæddur holdi manns. Á krossinum dó því meira en mað-
ur. Á krossinum dó sonur Guðs.
Herra minn, þú varst hulinn Guð,
þá hæðni leiðst og krossins nauð.
Þó hafðir þú með hæstri dáð
á himnaríki vald og ráð. (Passíusálmur 40.16)
201