Heilbrigðisskýrslur - 01.12.1966, Síða 167

— 165
1966
Aðrar heilataugar eðlilegar. ‘Otlimir eðlilegir m. t. t. krafta, stjórnar
og viðbragða. Engar truflanir á húð eða stöðuskyni.
Álit: Sjúklingur hefur fengið heilahristing, og einkenni hans eru
afleiðing af því“.
Síðar mun maðurinn hafa verið til rannsóknar og meðferðar hjá
... ., sérfr. í taugasjúkdómum, og í vottorði [hans] 14. október 1961
er dregin sú ályktun af skoðun, að maðurinn hafi fengið heilahristing
(commotio cerebri) við slysið og að kvartanir hans megi rekja til þess.
í lokavottorði .... [sama læknis], dags. 24. ágúst 1965, þá segir svo:
„Hr. G. Ó-son, f. 7. ágúst 1927, til heimilis . ..., hefur oft verið hjá
mér til rannsóknar og meðferðar, síðan hann slasaðist hinn 16. júlí
1960, er hann var barinn í höfuðið, þar sem hann sat í bíl sínum. Eftir
sjúkrasögu að dæma hefur G. misst meðvitund stutta stund. Varðandi
sjálfan áverkann og ástand G. um ári síðar leyfi ég mér að vísa til
eldra vottorðs míns, dags. 14. október 1961, en þar segir, að sjúkl.
hafi fengið heilahristing. Síðan G. slasaðist, hefur borið á mjög þrá-
látum höfuðverk, sem einkum er áberandi. ef hann reynir eitthvað á
sig og þreytist. Höfuðverkurinn hefur þó farið batnandi, kemur sjaldn-
ar og ekki eins sár og fyrst eftir slysið. Borið hefur á mjög miklum
kvíða, og hann þreytist óeðlilega fljótt, og þolir hann t. d. ekki að
keyra lengi í einu, en G. hefur nú tekið aftur upp bifreiðaakstur.
Um lengri tíma hefur G. tekið inn lyf gegn kvíðanum með ailgóðum
árangri.
Rétt er að geta þess, að G. slasaðist í bílslysi hinn 15. nóvember 1961,
og hafði hann nokkur óþægindi vegna þess áverka næstu 4 mánuðina.
Skoðun: Sjúkl. er fullkomlega áttaður á stað og stund, og það eru
engin einkenni um dysfasi. Kvartanir sjúkl. eru nokkuð neurasteniskar,
og hann er nokkuð depressiv að sjá. Nn. cranialis: Eðlilegar heilataug-
ar. Motorik: Tonus, trofik, grófir kraftar og refl. eðlil. Babinski negat.
bilat. Sensibilitet: Eðlilegt húðskyn. Koordination: Engin einkenni
um ataxi. Sfinkterfunktion: Eðlil. Heilarit: (EEG), 19. desember 1961,
25. júlí 1962 og 12. marz 1965 voru eðlil.
Álit: Sjúkl. hefur fengið heilahristing (commotio cerebri) við áverk-
ann 16. júlí 1960, og verða núverandi kvartanir sjúklings að teljast
afleiðing hans. Ástand hefur farið batnandi, einkum s.l. ár, og er ekki
ástæða til að ætla, að frekari einkenni muni gera vart við sig, sem
teljast mættu afleiðing áður nefnds áverka. Vafalaust er hér um post-
traumatiska neurosu að ræða, og er sennilegast um varanlegt ástand
að ræða“.
Maðurinn kom til viðtals hjá undirrituðum 31. ágúst 1965. Hann
staðfestir það, sem fram kemur í vottorði .... [síðast nefnds sérfræð-
ings], að hann hafi allveruleg óþægindi frá höfði. Hann kveðst þola
illa alla áreynslu, og sérstaklega telur hann, að hann geti lítið bograð
eða unnið hálfboginn, fái þá höfuðverk og jafnvel svima.