Saga - 2021, Page 30

hafdís erla hafsteinsdóttir
Naktar konur, fullklæddar konur og konur
sem aldrei voru til
Nokkur orð um femínisma og söguskoðun í
almannarými
Þetta særir tilfinningar mínar …
Í mars 2019 mótmælti hópur á vegum No Borders og fleiri grasrót-
arsamtaka slælegum aðbúnaði flóttafólks og hælisleitenda á Íslandi.
Eitt af því sem hópurinn tók sér fyrir hendur var táknrænn gjörn-
ingur þar sem skilti sem á stóð „I am surrounded by marvelous
people“ eða „Ég er umkringdur stórkostlegu fólki“ var hengt utan
um háls Jóns Sigurðssonar. Þetta var ekki í fyrsta skiptið sem Jón var
fenginn til að taka þátt í mótmælum. Hann var til dæmis virkur
þátttakandi í búsáhaldabyltingunni og hefur nokkrum sinnum slegist
í hóp femínista og skartað bleikum búningi. Eins og Páll Björns son
hefur bent á hefur þátttaka Jóns í mótmælum oft verið umdeild en
uppátækið í mótmælum No Borders fór sérstaklega fyrir brjóstið á
ýmsum. Halldór Blöndal, fyrrverandi ráðherra og forseti Alþingis,
dró til dæmis ekki fjöður yfir afstöðu sína þegar hann skrifaði á
Face book að tiltækið væri „ofbeldi við tilfinningar okkar“ án þess
þó að tekið væri fram hverjir það nákvæmlega væru fyrir utan
Halldór sem væru beittir tilfinningalegu ofbeldi.1
Það er ekki oft sem ráðamenn tala hreinskilnislega um tilfinning-
ar í opinberri umræðu. Allir femínistar vita að tilfinningarök þykja
ekki góð latína í almennri stjórnmálaumræðu. Tilfinningasemi hefur
löngum verið eins og akkeri um háls kvenna í pólitískri umræðu og
þær útilokaðar og hæddar á þeim forsendum að þær reiði sig á til-
álitamál28
Hafdís Erla Hafsteinsdóttir, heh4@hi.is
1 Vef. „Halldóri Blöndal heitt í hamsi og skammaði mótmælendur á Austurvelli,“
DV.is, 18. mars 2019, sótt 6. ágúst 2021. Sjá enn fremur Vef. Kristín Ólafsdóttir,
„Nasistar jafnt sem umhverfissinnar eignað sér Jón Sigurðsson,“ Visir.is, 19.
mars 2019, sótt 9. ágúst 2021. Páll Björnsson, Jón forseti allur? Táknmyndir þjóð -
hetju frá andláti til samtíðar (Reykjavík: Sögufélag, 2011).