Saga - 2021, Blaðsíða 40

Grønland. Den danske koloni i 1920’erne (2021) er þetta stytta sem
íbúar Grænlands söfnuðu peningum fyrir snemma á tuttugustu öld
og sem meirihluti kjósenda hefur nýlega kosið að hafa áfram á
sínum stað í atkvæðagreiðslu sem haldin var um framtíð hennar í
kjölfar mótmæla. Styttan, sem myndhöggvarinn August Saabye
gerði í upphafi tuttugustu aldar, á sér tvíbura sem má finna við
Friðrikskirkju í Kaupmannahöfn.
Styttan af Hans Egede í Nuuk og umræðan um hana sýnir
hvernig styttur eru skurðpunktar fyrir ólík viðhorf til sögu og sam-
tíma. Oft eru þær birtingarmyndir valdsins sem verður um leið líka
viðkvæmt form sem hægt er að skemma og fella. Hún er dæmi um
hvernig styttur geta fljótt orðið það sem menningarfræðingurinn
Sara Ahmed kallar gleðigripi (e. happy objects) eða óhamingjugripi (e.
unhappy objects).1 Hugtökin eiga við um hluti sem vekja tilfinningar
eða virka jafnvel sem táknmyndir ákveðinna tilfinninga. Hlutir hafa
áhrif á okkur og tilfinningar (e. affect) festast á hluti eftir því hvernig
álitamál38
1 Sara Ahmed, „Happy Objects,“ í The Affect Theory Reader, ritstj. Melissa Gregg
and Gregory J. Seigworth (Durham & London: Duke University Press, 2010),
29‒51.
Mynd 1: Styttan af Hans Egede á þjóðardegi Grænlendinga 2020. Ljós mynd -
ari og höfundarréttur: Leiff Josefsen.