Saga - 2021, Blaðsíða 127

halldóra kristinsdóttir
„Mjer er farið að verða nokkuð
skrafdrjúgt“
Dagbækur Hannesar Thorsteinson
Árið 2003 bárust til Landsbókasafns Íslands – Háskólabókasafns 15
dagbækur Hannesar Thorsteinson (1863–1931) bankastjóra frá árun -
um 1901–1931 ásamt nokkrum sendibréfum og skjölum.1 Það voru
afkomendur systurdóttur Hannesar sem afhentu þessi gögn en ýmis
önnur handrit úr fórum Hannesar voru keypt til safnsins úr dánarbúi
hans 1931–1932.2 Þau gögn sem þá bárust voru að mestu handrit sem
tengjast ættmennum Hannesar en þó var þar nokkuð frá Hannesi sjálf-
um, dagbók sem hann hélt „í páskafríinu hjá frændfólkinu í Odense“
1883 ásamt útgjaldabók frá árinu 1884 og nokkrum sendibréfum.
Líklega hefur Hannes lagt niður dagbókarskrif eftir páskafríið í
Óðinsvéum. Hann tók aftur upp þráðinn í mars 1901 og frá þeim
tíma hefjast nær óslitin skrif hans næstu 30 árin. Þó eru einungis
örfáar færslur árið 1907 og engin færsla árið 1908. Í fyrstu eru færsl-
urnar stuttar, oftast bara ein lína, og snúast um garðrækt, einstaka
veðurlýsingar fylgja með. Hannes skráir hvaða fræjum hann sáir og
hvernig plönturnar dafna og blómstra. Smám saman verða garð -
yrkjufærslurnar ítarlegri og þegar fram líða stundir fara aðrar hug-
leiðingar hans að birtast í dagbókinni.
Í fyrstu skrifar hann ekki daglega í bókina og hvert ár telur um
5 –20 blaðsíður. Breyting verður á þessu frá og með árinu 1916 en
það ár skrifar hann tæplega 50 blaðsíður og næsta ár nær dagbókin
yfir 85 síður. Árið 1918 er eins og hann komist almennilega á lagið
með að skrifa í bókina því þá fyllir hann 265 síður og næstu árin á
Saga LIX:2 (2021), bls. 125–132.
Ú R S K J A L A S K Á P N U M
1 Lbs. (Landsbókasafn Íslands – Háskólabókasafn, handritasafn) Lbs. 365 NF.
Hannes Thorsteinson. Einkaskjalasafn.
2 Lbs. Lbs. 426–438 fol., Lbs. 2398–2429 4to, Lbs. 2364–2378 8vo. Sjá Pál Eggert
Ólason, Skrá um handritasöfn Landsbóka safnsins III (Reykjavík: Landsbókasafn
Íslands, 1935–1937), 310–315.
Halldóra Kristinsdóttir, halldora.kristinsdottir@landsbokasafn.is