Selskinna - 15.05.1948, Page 158

156
einkum garðrækt, eykst stórum skrefum, einnig gras-
rækt, sem hafði í för með sér fjölgun kúa og sauð-
fjár. Þá fer og sjávarútvegurinn að taka stakkaskiptum,
þilskip fara að koma í stað opinna báta. Þar riðu kaup-
menn á vaðið, svo sem þeir Thor Jensen og Böðvar Þor-
valdsson; hann hélt lengi úti tveim þilskipum til fiskjar.
Eigi leið heldur á löngu, að vélbátar kæmu þar til sögu,
sem smátt og smátt yfirgnæfðu allan útveg opinna báta.
Allt þetta, sem hér hefir verið minnst á, hafði í för með
sér stórvægileg skilyrði til betri afkomu og vaxandi vel-
megunar almennings og á því hefir orðið gott áfram-
hald til þessa dags. Margt fleira mætti minnast á, sem
átti og á rætur að rekja einmitt til þess tíma, þá er
greinarhöfundur yfirgaf Akranes og fór héðan af landi
burt.
i