Skírnir - 01.01.1882, Side 72

74
JÝZKALAND.
var hann kominn til útlanda. Hann bætti nú svo svörtu á
grátt, að hann samdi ritling, sem hann kallaði „Pro nihilo“
(„Fyrir engar sakir“), ag birti þar sumt af leyndarmálum ríkis
og stjórnar, og var þetta haft til álcæru fyrir landráð. Nú
ákvað dómurinn 5 ár í betrunarhúsi. Arnim beiddist optar enn
einu sinni, að mega skjóta máli sínu til ens æzta dóms í Leip-
zíg og bera þar sjálfur vörn fram, en skildi það til, að hann
væri laus meðan á málinu stæði. þess var ávallt synjað, og
þvi ól hann það eptir var aldurs erlendis — að jafnaði í
Nizza — en heilsan tók að bila, og er líklegt, að hugraun-
irnar hafi stytt lífdaga hans. Hann fæddist 3. okt. 1824. það
hefir sannazt á þessum manni, að það er ekki öllum hent að
bekkjast til við Bismarck, og við lát hans komst eitt blaðið
svo að orði, að dæmi hans sýndi, hve litlu mikið vit orkaði,
ef mann brysti staðgæði lundarinnar.— 2. júni dó Fr. Eulen-
burg greifi, 66 ára að aldri, einn hinn atkvæðamesti af þeim
mönnum, sem Bismarck hefir kosið sjer til sessuneytis í stjórn
Prússaveldis. Honum eru þakkaðar ymsar lagabætur, sem
varða landstjórnina og mikið þykir til koma. -— 22. júni and-
aðist M. J. Schleiden, sem lengi var prófessor í grasafræði
við háskólann í Jena, og hafði þá sjö um áttrætt. Hann er
talinn með enum ágætustu fræðimönnum i þeirri grein. Helztu
rit hans eru; „Grundziige der wissenschaftlichen Botanik" (1842)
og „Die Pflanze und ihr Lében“. — 1. júlí dó heimspekingur-
inn Rudolf Hermann Lotze (f. 21. maí 1817). Hann var
talinn meðal lærisveina Hegels, en hefir tekið yms hugsjóna-
atriði úr kenningum annara vitringa, t. d. úr frumpartafræði
Leibnitz, Herbarts, og fl., og fært þau inn í nýtt hugmynda-
kerfi. Hann mótmælti mjög skorinort kenningum þeirra heim-
spekinga, sem vilja rekja feril allrar tilveru að líkamlegum
frumöflum. — 21. október dó snögglega (af niðurfalli) lögfræð-
ingurinn J. C. Bluntschli í Karlsruhe, prófessor við háskól-
ann i Heidelberg. Eptir hann liggja mörg lögfræðarit, sem
mikils eru metin, sjerílagi um þegnskyldur og rjettindi, og
um almenn lög og rjett með ríkjum og þjóðum. Hann er
ættaður frá Svisslandi, f. í Ziirich 1808, og varð prófessor