Árbók Landsbókasafns Íslands - 01.01.1952, Blaðsíða 160

160
EINAR BJARNASON
samkvæmt handritinu verið þremenningar foreldrar Guðmundar á Vöglum, Árni á
Hranastöðum Árnason og Ragnheiður Guðmundsdóttir. Ekki hef ég orðið var leyfis
þeirra til hjúskapar, og er þó kunnugt um, að Einar bróðir Árna fékk hjúskaparleyfi
vegna þremenningsfrændsemi við heitmey sína Katrínu Ogmundsdóttur 23. apríl
1723, en ekki má af því ráða, að ætt þeirra sé rangt rakin, með því að sennilega eru nú
glötuð einhver af hjúskaparleyfunum.
Um móðurætt Guðmundar á Vöglum er skrifað út 121. blað, en þá tekur við frásögn
um niðja Ragnhildar dóttur Jóns á Öngulsstöðum Grímssonar á Lundi Jónssonar, en
síðan eru talin systkini Guðmundar á Vöglum, og nær þetta fram yfir mitt 122. blað,
en þá tekur við móðurætt Hans Wiums sýslumanns á Skriðuklaustri. Ingibjörg Jóns-
dóttir, móðir Wiums sýslumanns, var sonardóttir síra Sigfúsar í Hofteigi Tómassonar,
sem oft er getið í handritinu, og raunar ætíð er nefndur Vigfús. Hér er þess getið, sem
líklega er alveg rétt, að einn bróðir síra Sigfúsar og síra Jóns á Hálsi hafi verið Jón
bóndi á Stóru-Tjörnum í Ljósavatnsskarði faðir Ingibjargar konu Björns á Stóru-Völl-
um í Bárðardal Kolbeinssonar. Ingibjörg þessi var síðari kona Björns Kolbeinssonar
og mun vera sú, sem 1703 er 68 ára gift Jóni á Stóru-Völlum í Bárðardal Bjarnasyni,
sem var bróðir Katrínar fyrri konu Björns á Stóru-Völlum. Ólöf dóttir Björns, sem hér
er nefnd, er 1703 33 ára á Arnarvatni í Mývatnssveit, og maður hennar Kolbeinn Sig-
mundsson, er þar einnig. Á 123. blaði er rakin móðurætt Kolbeins, sem var dóttursonur
síra Illuga í Húsavík, en síðan er rakið nokkuð frændfólk Kolbeins í Laxamýrarættinni
niður 123. blað.
Á fremri síðu 124. blaðs er getið tveggja systkina Jóns á Kroppi Brandssonar, og
niðjar þeirra eru raktir nokkuð. Á aftari síðunni er sagt frá foreldrum Margrétar Ein-
arsdóttur konu Árna á Ytra-Hóli Björnssonar og Guðnýjar Einarsdóttur móður Jóns
gamla í Sigluvík föður Jóns á Dagverðareyri.
Á 125. blaði er enn sagt frá ætt Guðrúnar Hjaltadóttur síðari konu Þórðar í Felli
Magnússonar. Er ætt hennar hér rakin nokkru meira en fyrr, og má glöggt sjá tengsl
Björns Pálssonar, manns Guðrúnar Þorvaldsdóttur í Gullbrekku Gunnlaugssonar, við
eyfirzkar ættir, ef ætt hans er sú, sem ég hygg, og að framan getur. Þau ættu að hafa
verið bræðrabörn hann og Guðrún. Höf. telur Björn Pálsson föður Hjalta hafa komið
í Eyjafjörð úr Flj ótshlíð, en hér er átt við Hjalta, sem talinn er hafa búið bæði á Gilsá
og Naustum.
Á 126. blaði segir frá Steinunni Hjaltadóttur Björnssonar. Hún var móðir Jóns á
Glerá í Kræklingahlíð Jónssonar og var sá Jón skilgetinn, en Arnbjörn bróðir Jóns,
sem er hér einnig nefndur, var launsonur Steinunnar, og hét faðir hans einnig Arn-
björn. Steinunn Hjaltadóttir er 1703 21 árs vinnukona á Litla-Eyrarlandi í Önguls-
staðahreppi, sem er yzti bærinn í Kaupangssveit. Á næsta bæ fyrir utan, syðsta bænum
á Svalbarðsströnd, Syðri-Vargá, er Arnbjörn Jónsson 21 árs, án efa sonur hjónanna
þar Jóns Sveinssonar og Kristbjargar Ketilsdóttur. Arnbjörn þessi er barnsfaðir Stein-
unnar, og kemur Kristbjargarnafnið fram á dóttur Arnbjarnar Arnbjarnarsonar. Er
síðan rætt um afkvæmi nefndra Hjaltadætra fram á 127. blað. A 56. blaði er áður