Náttúrufræðingurinn - 1980, Page 128

og egg. Einnig leita þær sér fæðu á
sorphaugum og í úrgangi kringum
mannabústaði, sérstaklega á vetrum
(Lockie 1955).
DVERGKRÁKUR Á ÍSLANDI
Hér á eftir mun ég rekja í tímaröð
allar tiltækar heimildir um dvergkrákur
á íslandi. Við hvern fund er skráð með
breyttu letri staður, fjöldi fugla ef fleiri
en einn, tími, tekið fram ef fugli eða
fuglum hefur verið safnað og nafn at-
huganda.
Ég krufði allar þær dvergkrákur sem
Náttúrufræðistofnun hefur eignast eftir
1970 og hafa verið krufðar. Aldurs-
greining var byggð á Bursa fabricii, svo og
ástandi kynfæra. Bursa finnst í ókyn-
þroska fuglum en ekki í fullorðnum
kynþroska fuglum.
Ævari Petersen, deildarstjóra dýra-
fræðideildar Náttúrufræðistofnunar ís-
lands, þakka ég leyfi til að nota gögn
stofnunarinnar um dvergkrákur. Einnig
þakka ég Arnþóri Garðarssyni, Gunn-
laugi Péturssyni og Unni Egilsdóttur
fyrir að lesa ritgerðina yfir, Guðrúnu
Nielsen fyrir aðstoð við gerð mynda og
Erlingi Ólafssyni fyrir aðstoð við grein-
ingu á hryggleysingjum í fæðu.
Öllum Jreim mönnum sem léðu mér
athuganir sínar til birtingar kann ég
bestu þakkir. Athugendur verða taldir
hér upp í stafrófsröð og í sviga upphafs-
stafir eins og þeirra er getið í texta: Ari
Albertsson (A. A.), Arnþór Garðarsson
(A. G.), Bergþór Guðjónsson (B. G.),
Björn Fossdal (B. F.), Einar H. Einars-
son (E. H. E.), Einar Jónsson (E. J.),
Erling Ólafsson (E. Ó.), Friðrik Jesson
(F. J.), Guðjón Arason (G. A.), Guðjón
Sæmundsson (G. S.), Guðmundur
Hjálmarsson (G. H.), Hákon Erlendsson
(H. E.), Hálfdán Björnsson (H. B.),
Hans Jörgensen (H. J.), Haraldur
Brynjólfsson (H. Br.), Heiðar Jakobsson
(H. Ja.), Helgi Þórarinsson (H. Þ.),
Ingimar Sveinsson (I. S.), Ingólfur
Guðnason (I. G.), Jóhann Óli Hilmars-
son (J. Ó. H.), Jón Sigurjónsson (J. S.),
Karl Pétursson (K. P.), Kristbjörn
Egilsson (K. E.), Kristinn Haukur
Skarphéðinsson (K. H. S.), Magnús
Finnbogason (M. F.), Oddur Helgason
(O. H.), Ólafur Aðalsteinsson (Ó. A.),
Pétur Jónsson (P. J.), Rikharður Ein-
arsson (R. E.), Sigurður Elíasson (S. E.),
Sigurður B. Jónsson (S. B. J.), Sigurgeir
Sigurðsson (S. S.), Skarphéðinn G.
Þórisson (S. G. Þ.), Þorsteinn Einarsson
(Þ. E.) og Þorsteinn Guðmundsson (Þ.
G.).
[Á lista yfir íslenska fugla eftir Henry
og Charles Pearson (1895) er dverg-
kráku getið og er hún sögð hafa verið
skotin af P. Nielsen á Eyrarbakka, en
ekkert ártal fylgdi. Benedikt Gröndal
(1896) hefur þessa dvergkráku með í
Fuglatali sínu og getur Pearsons sem
heimildar og aftur í annarri grein (1901)
án þess þó að geta heimildar. í síðari
greininni er fuglinn kominn með ártal
og er sagður hafa náðst á Eyrarbakka
1896, þ.e. ári eftir að grein Pearsons
birtist. Síðan hefur þessi fugl verið fast-
ur liður í flestum yfirlitsritum um ís-
lenskt fuglalíf þar sem dvergkráku hefur
verið getið sbr. Hantzsch 1905, Bjarni
Sæmundsson 1905, 1911, 1936, Hachi-
suka 1927 og Timmermann 1949.
I Náttúrufræðistofnun íslands eru
varðveittar bækur þær sem P. Nielsen,
faktor á Eyrarbakka, skráði athuganir
sínar í. Um dvergkrákuna segir hann
(móti bls. 169 í eintaki af Skandinaviens
206