Andvari - 01.01.1995, Page 121

ANDVARI
BRÉF
119
Eftirmáli
Bréf þau, sem hér koma fyrir almenningssjónir, eru úr tveimur bréfasöfnum. Bréf-
in til Árna Eiríkssonar eru í eigu frú Þóru Árnadóttur, dóttur Árna, og bréfið til
Stefaníu Guðmundsdóttur í eigu Geirs Borg aðalræðismanns, sonar frú Stefaníu.
Þau hafa góðfúslega gefið leyfi til að birta þessi bréf.
Þessi bréf hafa ómetanlegt leiklistarsögulegt gildi.
í fyrsta lagi lýsa þau hversu náið var með Jóhanni Sigurjónssyni og helstu for-
svarsmönnum Leikfélags Reykjavíkur á þeim árum, sem helstu leikrit Jóhanns
komu fram, enda frumflutti Leikfélag Reykjavíkur þrjú af fjórum kunnustu verk-
um skáldsins. Þó að Jóhann sé úti í Kaupmannahöfn og sjái fæstar sýningar fé-
lagsins, fylgist hann náið með því sem þar er sýnt.
í öðru lagi lýsa þau því trausti sem hann ber til þeirra listamanna, sem störfuðu í
Iðnó á þessum árum. Fyrir honum er Leikfélag Reykjavíkur ekki fámennt áhuga-
mannafélag heldur „leikhúsið“ og það leiksvið sem er honum hjartfólgnast.
í þriðja lagi benda þau til þess, að túlkun íslenskra leikenda á verkum Jóhanns
hafi fyllilega staðist samanburð við túlkun erlendra leikhúsmanna, ef hún var ekki
í sumum tilvikum fremri, og sýningarnar skipt skáldið máli bæði fjárhagslega og
andlega.
S.E.