Morgunn - 01.12.1940, Síða 51

MORGUNN
177
inn fram fyrir nútíma sálarrannsóknir í fyrstu, eins og
þér munið, fyrir mjög lítilfjörlegt atvik, höggin hjá
stúlkubörnunum í Hydesville, Foxsystrunum, og hún
hefir átt að berjast við harðsnúna mótstöðu, eins og
svo margt annað. Ekki þó fyrir það, að hún kæmi í bága
við neina hagsmuni, heldur hitt að fyrir voru aðrar skoð-
anir, sem hún þótti ekki geta samrýmzt.
En fyrst spiritisminn er nú þessi þekking, þekkingar-
vissa um framhaldslíf, sem vér vitum, þá hefði verið eðli-
legast að hugsa sér og búast við, að húsbændurnir á 3.
eða efstu hæðinni, sem vér höfum nefnt, vísindin og trú-
arbrögðin, tæki henni með vinsemd, helzt tveim höndum.
Þekkingin er skilgetið afkvæmi vísindanna, svo þau ættu
ekki að geta leitt hjá sér neina þekking eða neitt sem
orðið getur þekking og einn vísindamaður hefir sagt, að
einkum þurfi þau að rannsaka allar getgátur, sem sýn-
ast ómögulegar samkvæmt þekktum lögmálum, því að
þar geti oft sannleikur dulizt og ný, óþekkt lögmál komið
í ljós.
Og að því er snertir trúarbrögðin, ætti þekkingarvissa
um framhaldslíf, sem er þeim sjálfum til stuðnings, að
vera þeim kærkomin. Sérstaklega á þetta við um krist-
indóminn. Aðalhöfundur hans, eins og hann hefir verið
prédikaður á umliðnum öldum, er Páll postuli og hann
reisti hann á upprisu Jesú Krists Ef Kristur er ekki upp-
risinn, þá er trú yðar ónýt, sagði hann. Enga stoð á krist-
indómurinn sterkari, en þessa kenning, og engin kenning
hefir þó meira' verið dregin í efa, en ekkert heldur sem
styrkir hana eins og spíritisminn með því, að sannanlega
gjörist það enn, að framliðnir menn birtast eftir dauða
sinn. Ég minni á ummæli próf. Myers, hins mikla braut-
ryðjanda, að ef hinar nýju sannanir væri ekki, mundi
enginn skynsamur maður trúa upprisu Krists eftir 100
ár, en fyrir þær muni eftir 100 ár allir skynsamir menn
trúa henni.
En þetta hefir farið á annan veg, en að spiritisminn
12