Morgunn - 01.12.1940, Qupperneq 80

206
M O R G U N N
margt. Hann var brautryðjandi á afarerfiðum iímum og
svo stórkostlegum miðilshæfileikum gæddur, að hann
minnir helzt á Elía eða aðra stórbrotnustu kraftaverka-
menn hins gamla sáttmála, og auk þess bendir margt til
þess að fullyrða um hann, að hann hafi verið ein af
göfugustu sálum sinna tíma. Rómversk kaþólska kirkjan
vissi hvað hún var að gera, þegar hún var að reyna árum
saman að fá hann til að ganga í klaustur; ef það hefði
tekizt, hefði hún getað bætt glitrandi perlu í gimsteina-
safn dýrlinga sinna, en til þess að verða dýrlingur hafði
hann tvö höfuðskilyrðin til að bera: kraftaverkamáttinn
og heilagleikann.
Daníel Dunglass Home bar svo djúpa lotning fyrir
miðilsgáfu sinni, að um hana fór hann æfinlega heilög-
um höndum, enda vartrúrækni hans bæði hrein og djúp.
Þeim lífsreglum, sem hann vildi láta miðlana fylgja,
hefir þeim því miður ekki tekizt að lifa eftir yfirleitt,
enda hefir hann sennilega haft náðargáfu fram yfir vel
flesta menn til að vera guðsbarn. E. t. v. er sú staðreynd
orsök þess að á sumum sviðum miðilsgáfunnar hefir eng-
inn farið fram úr honum. Guði gaf hann dýrðina fyrir
sérhvern sigur. Með Guði bar hann sorgir sínar og von-
brigði þegar hann var ofsóttur og hvað eftir annað leit-
azt við að útskúfa honum úr mannlegu félagi.
Þegar vér lítum yfir fyrirbrigðin, sem gerðust hjá Mr.
Home, sjáum vér að mörg af þeim verða engan veginn
notuð til þess að sanna framhaldslíf mannssálarinnar.
En hvað sanna þau þá ?
Þau sanna það, að umhverfis oss og innra með oss búa
ósegjanlega voldug öfl, sem mannkynið hefir enn ekki
lært að nota vegna þess að það þekkir ekki lögmálin,
sem þau lúta. Það hafa verið leiddar að því sterkar lík-
ur, þótt skammt sé komið áleiðis enn, að þau vísindi. sem
leiða þessi lögmál í ljós og kenna mönnunum að ná
valdi yfir þeim, muni færa mannkyninu óumræðilegri
blessun en oss getur órað fyrir enn.