Lindin - 01.01.1932, Side 92

90
L I N D I N
Helgisiðabókin nýja. Helgisiðabókarnefndin hafði
lokið við verk sitt, er Prestastefnan kom saman í sum-
ar. Hefir hún unnið vel og virðist hafa tekizt ágætlega
hið vandasama verk. Lagði nefndin fram handrit að
hinni nýju Helgisiðabók. Voru nefndir kosnar til þess
að yfirfara handritin og skiluðu þær áliti sínu, áður en
prestastefnunni lauk. Samþykkti prestastefnan, eftir
allítarlegar umræður að fresta atkvæðagreiðslu um
Helgisiðabókarmálið, þar til næsta Prestastefna kæmi
saman og fela nefndinni að fá afrituð handritin og
senda þau öllum prestum landsins til yfirvegunar. Ætti
þetta mikilsvarðandi mál að örfa presta landsins til
þess, að sækja prestastefnuna vel í vor.
Nýtt kirkjulegt vikublað. Á aðalfundi Prestafélags
Islands s.l. sumar var rætt um útgáfu kirkjulegs viku-
blaðs. Vafalaust er mikil þörf á slíku blaði, enda var
fundarmönnum allflestum mjög mikið áhugamál að
koma hugmyndinni í framkvæmd. Fjölmenn nefnd
presta úr öllum fjórðungum landsins var kosin til að
undirbúa málið og leita undirtekta safnaðanna. Þar
sem til hefir frétzt fær málið góðan byr. Kaus Presta-
félagsfundurinn þá séra Friðrik Hallgrímsson, docent
séra Ásmund Guðmundsson og séra Árna Sigurðsson
til þess að annast ritstjórn blaðsins, ef til útgáfu kæmi.
Vill Lindin eindregið hvetja lesendur sína til þess að
styðja að því, að til framkvæmda komi.
Fækkun prestakalta. Hugmyndinni hefir ekki verið
fagnað og enga hrifningu vakið með þjóðinni. Þvert á
móti. Á ótal fundum í landinu hefir tillögunni um fækk-
un prestakalla verið mótmælt kröftuglega. Er það aug-
ljóst mál, að tillagan styðst ekki við þjóðarviljann.
Hinsvegar heyrast nú raddir um það, að nauðsyn sé að
fjölga starfsmönnum kirkjunnar og æ fleiri, sem líta
svo á, að prestarnir ættu að taka fræðslumálin og þá
sérstaklega kristindómsfræðsluna meir í sínar hendur
aftur í sveitum landsins.