Ritröð Guðfræðistofnunar - 01.01.2000, Page 16
Rósa B. Blöndals
1. vers
Allt var myrkur, auðn og tóm, óskapnaðar dreif.
Yfir dimmu djúpi Drottins andi sveif.
Ekkert ljós, ekkert líf, engin jörð var þá;
ekkert kveld og engan morgun enn var að sjá.
2. vers
Ekkert var, sem gæti gjört Guði lof og hrós.
Drottins raust þá dundi: „Dýrðlegt verði ljós!“
Ljósið rann, ljóminn skein, logageislum brá.
Þá varð kveld og þá varð morgunn þeim degi á.
3. vers
Ekkert var sem gæti glaðst gæðum heimsins af.
Lofts- og lagar skepnum líf þá Drottinn gaf.
Hátt um loft fuglinn fló, fiskur lék í sjá.
Þá varð kveld og þá varð morgunn þeim degi á.
Síðasta og 7. vers
Enginn maður, ekkert dýr enn var til á jörð.
Guð þá gaf þeim lífið. Gjörvöll lífsins hjörð
undir mann, ímynd Guðs, öll var gefin þá.
Þá varð kveld og þá varð morgunn þeim degi á.
Ljósið kom í það mesta myrkur, meira en hugur vor nær. Hinn fyrsti dag-
ur. Þannig sagði geimfari, sem stóð á tunglinu, að hann hefði aldrei augum
litið svo mikið myrkur á jörðinni. Þó hefur verið enn meira myrkur áður en
nokkurt ljós hafði myndast í himingeimnum. Áður en Drottinn sagði: „Verði
ljós.“ Myrkur föstudagsins langa er mesta myrkur, sem komið hefur yfir þessa
jörð. Var ljós hins fyrsta dags í heiminum forspá um hið mikla ljós í upprás
páskadagsmorguns, við upprisu Jesú Krists frá dauðum og nokkru síðar send-
ingu Heilags anda, sem birtist í eldstungum yfir höfði sérhvers postulanna?
Þetta þrennt á sunnudegi, fyrsta degi vikunnar.
1. Sköpun ljóssins á sunnudegi.
2. Upprisa Jesú Krists við sólarupprás á sunnudagsmorgni.
3. Eldtungur Heilags anda birtust yfir höfði sérhvers postulanna, árla á
sunnudagsmorgni.
„Ég er ljós heimsins," sagði Jesús Kristur. „Sá sem fylgir mér mun ekki
14