Ritröð Guðfræðistofnunar - 01.01.2000, Page 71
Trúarskáld
þar hneig með sólu líf hins besta manns.
En sjálfur Drottinn djúpt sig niður beygði
að dánu líki’ og bjó um legstað hans.
Hans andi sveif til æðri sælu-kynna;
en enginn veit, hvar gröf hans er að finna.
Líkneskjan
Draumur Nebúkadnesar konungs
Hér gefur að líta gott dæmi um algjört einræði konunga þeirra tíma.
Nebúkadnesar konungur safnaði til sín spámönnum sínum, draumaráðn-
ingarmönnum, særingamönnum og Kaldeum og skipaði þeim að segja sér
draum, sem hann hafði dreymt en gleymt um leið og hann vaknaði. Einnig
skipaði hann þeim að ráða draum þennan.
Konungur lagði við dauðarefsingu, gætu þeir ekki sagt honum drauminn
og ráðið hann rétt.
Enginn þeirra er til var kallaður gat leyst þessa þraut og því skipaði kon-
ungur lífvarðarforingja sínum að finna alla vitringa og spámenn, svo hægt
væri að refsa þeim með lífláti. Þótt Daníel og vinir hans hefðu ekki verið kall-
aðir til persónulega, þá höfðu þeir einnig fyrirgert lífi sínu eins og aðrir vitr-
ingar og spámenn landsins. Nú var þeirra leitað ákaft svo hægt væri að líf-
láta þá með öðrum vitringum.
Þegar Daníel varð þessa áskynja, gekk hann til lífvarðarforingjans, Aríóks,
sem út var genginn til þess að framfylgja skipun konungs og lífláta vitring-
ana.
Ekki er laust við að þetta minni nokkuð á vinnubrögð sumra einvalda í
Miðausturlöndum, nú á dögum.
Aríók skýrði Daníel frá öllum málavöxtum. Daníel sagði: „Hví er skipun
konungs svo hörð?“ Daníel gekk því næst fyrir konung og bað um frest, að
hann mætti komast að hinu sanna í málinu og leysa þessa torráðnu þraut. Dan-
íel gekk nú heim til húss síns og lagðist á bæn. Trú Daníels var svo sterk, að
Guð bænheyrði hann og gaf honum bæði drauminn og þýðingu hans í nætur-
sýn. Daníel fór þá til Aríóks og mælti til hans á þessa leið: „Ekki skaltu líf-
láta vitringana í Babýlon.
Leið mig inn fyrir konung og mun ég segja honum þýðingu draumsins.“
Þegar Daníel kom fyrir konung sagði hann honum drauminn, sem kon-
ung hafði dreymt og þýðingu hans, en jafnframt það að hvorki hann né nokkr-
ir aðrir dauðlegir menn gætu leyst slíka þraut, heldur hefði Guð hans opin-
berað honum þessi sannindi í nætursýn.
69