Ritröð Guðfræðistofnunar - 01.01.2000, Page 75
Trúarskáld
„Silfrið er ríkið, er síðan upp kemur,
sannlega vítt yfir löndin það nemur;
jafnast þó eigi við auðinn hjá þér.
Mikla það dýrð mun og hamingju hljóta,
hlýtur þó einnig um síðir að þrjóta.
- Persanna ríki það prýðilegt er.“
„Eirinn er ríkið, er eftir það kemur,
öllum að listum og snilld er það fremur,
jafnast þó eigi við auðinn hjá þér.
Veldi þess ná mun um veröldu alla,
verður þó einnig um síðir að falla.
- Grikkjanna ríki það göfugast er.“
Járnið er ríkið, sem rís er hitt þrýtur,
ríkin og löndin það molar og brýtur;
jafnast þó eigi við auðinn hjá þér.
Öll mun það ríkin í veröldu vinna,
veldi þess sjálfs mun að ending þó linna.
- Rómverja volduga ríkið það er.“
Járnið og leirinn það ríkið, er ríka,
ramgjört og öflugt sem veikt er þó líka;
jafnast það eigi við auðinn hjá þér.
Víðáttu þess mun öll veröldin undrast,
verður það loks þó að tvístrast og sundrast.
- Rómverja’ og Gotanna ríkið það er.“
„Bjargið er ríkið sem rís þá í ljóma,
ríkið, sem stendur með sífelldum blóma,
ríkið, sem aldrei að eilífu þver,
ríkið, sem veröld sér í felur alla;
eftir það stendur þá hin ríkin falla.
- Drottins það ríkið hið eilífa er.“
Konungur niður þá flötum sér fleygði,
fyrir Guðs spámanni þannig sig beygði,
hét honum þaðan af hylli og náð.
73