Ritröð Guðfræðistofnunar - 01.01.2000, Síða 87
Trúarskáld
Og síðar þetta:
Hver skilur lífið? Og hver skilur hel?
Og hver skilur Drottins ráð?
Allt breytist og snýst eins og hverfanda hvel,
en hans er æ stöðug náð.
Menn fengu í þessu forboða hinna mörgu ljómandi fögru trúarljóða, sem for-
sjónin hafði ákveðið að hin íslenska þjóð skyldi eignazt frá hendi, höfði og hjarta
séra Valdimars Briem.
Auk síra Jóns Bjarnasonar, ritstjóra Sameiningarinnar, urðu margir vel metn-
ir Vestur-íslendingar til þess að veita síra Valdimar verðuga umfjöllun og eru
ritverk þeirra ómetanleg heimild seinni tíma kynslóðum.
Einn þeirra var síra Jónas A. Sigurðsson. Þannig hóf síra Jónas mál sitt
er hann ávarpaði kirkjuþing Vestur-Islendinga og birtist ávarpið í ágústhefti
Sameiningarinnar árið 1923, eins og fyrr greinir:
í kvöld verða orð mín um einn þann mann, meðal lifandi samtíðarmanna ís-
lenskra, er kirkjan og kristindómurinn hefir gert tvígildan öndvegishöld. Tel ég
hann Ijóst dæmi þess, að þau áhrif íslenskrar kristni er ég hefi hér vikið að, sé
alls eigi aldauða með þjóð vorri, fremur en á tíð Hallgríms Péturssonar og Jóns
Vídalíns. Maðurinn er séra Valdimar Briem, vígslubiskup og guðfræðisdoktór. A
hann bæði afmæli 75 ára aldurs og 50 ára prestvígslu á þeim hluta þessa árs, sem
nú er nýliðinn. . . . Avarpið er sérlega heimildaríkt og greinargott.
Við aldarminningu séra Valdimars árið 1948, skrifaði herra Sigurgeir Sig-
urðsson, biskup, grein í Sameininguna og kom hún út í mars heftinu árið 1948.
Sama greinin hafði áður komið út eftir Sigurgeir biskup í Kirkjublaðinu, 2.
tbl. 2. febr. 1948. í jólablaði Kirkjublaðsins er hans einnig getið á bls. 6:
Aldarminning séra Valdimars Briem, vígslubiskups og sálmaskálds. Hann var
fæddur að Grund í Eyjafirði 1. febr. 1848, en andaðist að Stóra-Núpi. Minning-
arguðsþjónustur um hann fóru fram í kirkjum landsins þennan dag. Að Stóra-Núpi
flutti biskup landsins minningarguðsþjónustuna.
Undarlegt má teljast að ekki virðist svo sem mönnum hafi þótt við hæfi
að birta sérstaklega einhver hinna fögru verka skáldsins, utan þeirra blaða-
1 Á 150 ára afmæli síra Valdimars var hans minnst með ýmsu móti. Nokkru áður hafði Dr.
Sigurbjörn Einarsson biskup haldið erindi í minningu hans í Stóra-Núpskirkju. Það erindi
birtist síðar í Lesbók Morgunblaðsins. Þá skrifaði Steinþór Getsson á Hæli fróðlega grein
um síra Valdimar í Árnesing, rit V. Ritið er gefið út af Sögufélagi Árnesinga. Auk þess
flutti hann erindi sama efnis í Stóra-Núpskirkju. Dr. Gunnlaugur A. Jónsson guð-
fræðiprófessor flutti þar einnig erindi í tilefni af afmælinu. Svo og höfundur ritgerðar
þessarar.
85