Ritröð Guðfræðistofnunar - 01.01.2000, Side 100

Rósa B. Blöndals
Árið 1902, 18 marz. missti eg konu mína, er hafði verið brjóst-
veik þá um nokkur ár. Höfðum við verið nálega 29 ár saman í far-
sælu hjónabandi og samvistum miklu lengur.
Var mér hinn mesti missir og söknuður í fráfalli hennar.
Tveim árum áður höfðum við látið af búskap, en við honum tók
sonur okkar og tengdadóttir, Katrín Helgadóttir. Hjá þeim hefi eg
verið síðan.
Allmikinn kostnað hafði eg í búskapnum á ýmsan hátt. En það
eitt skal eg telja, að eg tvívegis byggði upp staðinn á Stóra-Núpi,
fyrst er eg kom þangað, og aftur eftir jarðskjálftana alkunnu 1896.
Haustið 1896 var eg settur prófastur í Árnessprófastsdæmi,
síðan kosinn af héraðsprestunum, og svo skipaður af biskupi í apr-
íl veturinn eftir. Hefi eg gegnt því embætti síðan.
Auk prests- og prófastsstarfa hefi eg fengist við ýmis önnur
störf. Eitt sinn var eg mér óafvitandi kosinn alþingismaður; en eg
afþakkaði það, og hefi sama sem engin afskipti haft af landsstjórn-
armálum. Þar á móti hefi eg orðið að vera allmjög riðinn við
sveitastjórnarmál, og lengi verið í hreppsnefndum, sýslunefnd og
amtsráði. Auk þess hefi eg haft á höndum ýms önnur trúnaðarstörf,
sem of langt yrði upp að telja. Skal eg hér aðeins minnast á tvennt.
Árið 1878 var eg af synodus kjörinn til þess ásamt 6 mönn-
um öðrum að endurskoða sálmabókina. Að þessu verki var kapp-
samlega unnið í nokkur ár, og niðurstaðan varð ný sálmabók, sem
fyrst kom út 1886, og oft hefir verið gefin út síðan.
Árið 1892 var eg af biskupi kjörinn til þess ásamt 2 mönnum
öðrum að endurskoða handbók presta. Árið 1897 gaf nefndin út
frumvarp til nýrrar handbókar. Síðan var málinu af ýmsum ástæð-
um frestað um alllangan tíma; en nú er nýlega lokið við það verk.
Eg átti talsverðan þátt í störfum beggja þessara nefnda. Sér-
staklega lagði eg eins og kunnugt er mikið til sálmabókarinnar,
bæði af frumkveðnum sálmum og þýddum. Þessi sálmabókarstörf
hafa sjálfsagt átt nokkurn þátt í því, að eg fór að gefa mig meira
við andlegum kveðskap en annars kynni að hafa orðið. Eftir að
sálmabókin kom út gjörði eg allmikið af sálmum og eru ýmsir
þeirra prentaðir í kirkjulegum tímaritum. Svo orti eg stórt kvæða-
safn út af ýmsum stöðum í Biblíunni - svo nefnd Biblíuljóð, og
sömuleiðis Davíðs-sálma í íslenskum sálmabúningi, og Ljóð úr
Jobs bók. Ennfremur hefi eg gjört og gefið út Barnasálma og
Kristilegan barnalærdóm í ljóðum. Talsvert hefi eg og gjört af
98