Ritröð Guðfræðistofnunar - 01.01.2000, Side 104
Rósa B. Blöndals
Snart þessi kveðja sálmaskáldsins góða hjörtu vor margra, er viðstödd vorum.
Og á meðan hellti vorsólin mildum geislum yfir Stóra-Núp og hinn saknandi
mannfjölda í kirkjugarðinum. Þótti mörgum staðurinn drúpa, sem von var, er öll
höfuðprýði hans var horfin í einu.
Börn þeirra síra Ólafs og frú Katrínar voru:
Valdimar Briem f. 9. ág. 1905, lést 8. feb. 1926.
Jóhann Briem, listmálari f. 17. júlí 1907, lést 1. febr. 1991.
Jóhann Briem fór eftir stúdentspróf til Þýskalands og lagði stund á nám við:
Einkaskóla Simonson-Castelli í Dresden 1929-1931 og Ríkislistaháskólann í
Dresden (Staatliche Kunstakademie) 1931-1934. Jóhann Briem er einn af okkar
þekktustu listmálurum. Hann skrifaði bók um Landið helga, sem kom út árið
1958. Næsta bók hans, Milli Grænlands köldu kletta, kom út 1962. Bókin, Til
Austurheims, sem fjallar um ferð til Austurlanda, m.a. borgarinnar Petru, kom út
1967. Bækurnar eru skreyttar listaverkum málarans. Myndauðugur stíll.
Fegursti ritstíll aldarinnar.
Tvær þeirra bóka. sem magister Ólafur Briem sá um útgáfu á og ritaði í: Forn-
ir dansar 1946 og Eddukvæði 1985, voru báðar myndskreyttar af Jóhanni Briem
og seldust í mörgum upplögum. Einnig myndskreytti Jóhann ýmis önnur ritverk.
íslensk myndlist gaf út 1983, í bókaflokknum Listaverkabækur Listasafns ASÍ
og Lögbergs, viðhafnarútgáfu sem fjallar um æviferil og listabraut Jóhanns
Briem. Bókin er prýdd fjölda mynda af listaverkum Jóhanns auk ljósmynda úr
ævi hans.
Ólafur Briem, f. 27. feb. 1909, lést 28. ág. 1994, magister í norrænum fræð-
um, menntaskólakennari að Laugarvatni. Eftir hann liggja mörg rit, bæði fróð-
leg og skemmtileg.
Ólöf Briem f. 8. júlí 1913, lést 2. apr. 1944, húsmóðir að Stóra-Núpi, yngst
þeirra systkina, stórgáfuð og fróð kona. Ólöf orti mörg fögur ljóð. Eiginmaður
hennar var Jóhann Sigurðsson.
Jóhann Briem listmálari, giftist Elínu Jónsdóttur gullsmiðs Eyjólfssonar, prests
í Arnesi, Strandasýslu. Hinni ágætustu konu.
Afkomendur þeirra eru:
Katrín Briem listmálari og myndlistarkennari f. 16. ág. 1945, skólastjóri
Myndlistarskólans í Reykjavík í 18 ár. Eiginmaður Hugi Steinar Ármannsson full-
trúi við Landsbanka Islands, sonur þeirra Hugi Baldvin Hugason, nemi í arki-
tektúr.
Gott er að koma að Stóra-Núpi og sækja þau hjón heim í hið forna hús, sem
þau langamma og langafi frú Katrínar Briem byggðu og enn má sækja fróðleik
í menntum og listum, á hið forna höfuðból til frú Katrínar. Stóðu þau frú Katrín
Briem og Sigurður Briem, rafmagnsverkfræðingur, að fyrsta yfirlestri á handriti
ritgerðar þeirrar er þið lesið hér, þótt nokkuð hafi það breyst síðan. Hafi þau bæði
miklar þakkir fyrir.
Geta ber þess hér að frú Katrín Briem að Stóra-Núpi hefir veitt ómetanlegan
skerf til heimildaöflunar við ritgerðina, auk hinna fögru listaverka er skreyta rit
þetta.
102