Ritröð Guðfræðistofnunar - 01.01.2000, Page 114
Rósa B. Blöndals
Kirkjan veitti skáldi sínu síra Valdimar Briem biskupsvígslu, hann var
kjörinn fyrsti vígslubiskup í Skálholti 27. des. 1909. Vígður til biskups þann
28. ágúst 1910. Níutíu ára vígsluafmæli síra Valdirmars er því þann 28. ágúst
í sumar.
Háskóli Islands kjöri hann heiðursdoktor í guðfræði 1. febrúar 1923, á sjö-
tíu og fimm ára afmælisdegi hans. Hér fara á eftir þau orð er fylgdu doktors-
nafnbótinni.
Um meira en þriðjung aldar hefur þjóð vor átt kost á að lesa og læra hina ágætu
sálma séra Valdimars í sálmabók vorri og hefir sungið þá í kirkjum og heima-
húsum við hvers konar guðræknisathafnir. Hafa sálmar þessir með hugsanaauði
sínum, innileik og fegurð náð miklum tökum á hugum fjölda manna meðal þjóð-
ar vorrar, og munu þeir reynast dýrmætur arfur komandi kynslóðum. En auk
sálmanna í sálmabókinni hefur kirkja vor frá séra Valdimar eignast hin miklu
ljóðasöfn út af heilagri ritningu og fjölda annarra sálma, er einnig munu varð-
veita nafn hins ágæta trúarskálds. - Fyrir allan þennan dýra fjársjóð sálma og and-
legra ljóða, má kirkja vor og þjóð kunna miklar þakkir. Telur guðfræðideildin séra
Valdimar hafa unnið kirkju vorri ómetanlegt gagn með trúarskáldskap sínum og
vill minnast þess með þakklæti á 75 ára afmæli hans með því að sæma hann þeim
hæsta heiðri, sem deildin ræður yfir.
Síra Valdimar var sæmdur riddarakrossi dannebrogsorðunnar fyrir alda-
mót og síðar riddarakrossi og stórriddarakrossi fálkaorðunnar íslensku.
En mest er um vert að um allt ísland eru sálmar hans sungnir enn, jafn
lifandi eins og þeir voru fyrir rúmlega einni öld.
Merkilegt erfyrir Islendinga að eiga stórskáldið síra Valdimar Briem.
Eina yrkisefnið, sem síra Valdimar lagði alúð við að varðveita, voru sálm-
ar og helgiljóð Guði til lofs og dýrðar.
Sálmar hans munu svo lengi lifa, sem Ijóð á íslenskri tungu eru skilin af
íslenskri þjóð.
Síra Valdimar Briem vígslubiskup var maður hugðlátur og veglátur.
Nú við aldarlok, á afmæli þúsund ára kristni árið 2000, hefur síra Valdimar
leitt þessa þjóð yfir meira en heillar aldar skeið, bæði í gleði og sorg og haf-
ið tilfinningar þjóðarinnar fyrir stórhátíðum kirkjunnar í æðra veldi.
Gott dæmi um sálmagerð síra Valdimars er hvítasunnusálmurinn Skín á himni
skír ogfagur.
Skín á himni skír og fagur
hinn skæri hvítasunnudagur,
er dregur nafn af Drottins sól,
112