Ritröð Guðfræðistofnunar - 01.01.2000, Síða 141

Um Davíðssálma sr. Valdimars Briem
Æviágrip
Valdimar Briem var fæddur að Grund í Eyjafirði 1. febrúar 1848. Hann var
sonur hjónanna Ólafs Briem timburmeistara og Dómhildar Þorsteinsdóttur.
Þegar Valdimar var ársgamall kvað Ólafur faðir hans, sem var ekki aðeins hag-
ur á tré heldur einnig orð, þessa stöku:
Átta um fertugt öldin bar
ári fyrir síðan,
þegar fyrsta febrúar
fæddist litli Valdimar.íi
Valdimar ólst upp í foreldrahúsum til tíu ára aldurs ásamt stórum systkina-
hópi, en þá urðu systkinin fyrir þeirri stóru sorg að missa báða foreldra sína
með eins árs millibili. Það varð síðan hlutskipti Valdimars að alast upp hjá
föðurbróður sínum, Jóhanni presti í Hruna. Fluttist Valdimar suður til hans
sumarið 1859. Ekki mun hafa borið mikið á kveðskapargáfu Valdimars í æsku,
en þó eru varðveittar nokkrar gamansaman stökur sem hann orti. Valdimar
lauk stúdentsprófi frá Latínuskólanum 1869. Að því loknu settist hann í
Prestaskólann og lauk þaðan prófi haustið 1872. Honum voru veittir Hrepp-
hólar vorið 1873. Sama ár kvæntist hann Ólöfu, fóstursystur sinni og frænku,
einkadóttur sr. Jóhanns í Hruna. Eignuðust þau tvo syni. Eldri sonur þeirra,
Jóhann Kristján, lést í skóla árið 1893, aðeins tæplega tvítugur, og varð hann
foreldrum sínum mikill harmdauði. Yngri sonur þeirra Ólafur tók við prests-
embætti af föður sínum á Stóra-Núpi.
Árið 1880 var Valdimar settur til að þjóna Stóra-Núpi ásamt Hrepphól-
um. Þegar þessar tvær sóknir sameinuðust sama ár fluttist sr. Valdimar að
Stóra-Núpi vegna fjölda áskorana um það. Hér þjónaði hann í 38 ár, og í minn-
ingarræðu um hann hélt dr. Jón Helgason biskup því fram að sjaldan hefði
prestur „átt meiri vinsældum að fagna í verkahring sínum en hann.“5 6
Árið 1878 var Valdimar skipaður í nefnd er vinna skyldi að útgáfu nýrr-
ar sálmabókar. í nefndinni með honum voru sr. Helgi Hálfdanarson, sem var
formaður nefndarinnar, sr. Björn Halldórsson, sr. Matthías Jochumsson, sr.
Páll Jónsson, sr. Stefán Thorarensen og Steingrímur Thorsteinsson skáld. Kom
sálmabókin út árið 1886. Af 408 frumsömdum sálmum í bókinni átti sr. Valdi-
mar langflesta eða rúmlega hundrað. Er óhætt að segja að mesta athygli við
5 Birt í Sameiningunni 38, 1923, s. 227.
6 „Vígslubiskup dr. Valdimar Briem og séra Ólafur Briem. Ræða dr. theol. Jóns Helgason-
ar biskups í Stóranúpskirkju við jarðarför þeirra feðga 8. maí 1930.“ Prestafélagsritið 12,
1930, bls. 79-86.
139