Ritröð Guðfræðistofnunar - 01.01.2000, Blaðsíða 159
Konurnar í Gamla testamentinu
eftir fæðingu sveinbams, en 66 dagar eftir fæðingu stúlkubams, þá skyldi kon-
an „færa prestinum að dyrum samfundatjaldsins sauðkind veturgamla í brenni-
fórn og unga dúfu eða turtildúfu í syndafórn“. Átti presturinn að bera það fyr-
ir Drottin og friðþægja fyrir hana, til þess að hún gæti talist hrein af blóðlát-
um sínum (3M 12.6-7). Af þessu má ætla að konan hafi verið talin óhrein stór-
an hluta ævi sinnar, ekki síst ef gengið er út frá því að konur hafi almennt
ekki náð háum aldri, að minnsta kosti ekki þær sem höfðu eignast mörg börn.
Konurnar sáu um börnin og heimilisstörfin, en drýgðu oft tekjur heimil-
isins á margvíslegan máta, meðal annars með ljósmæðrastörfum, með því að
passa börn og jafnvel hafa börn annarra kvenna á brjósti. Einnig seldu þær
handavinnu sína (Ok 31.10-31). Inni á heimilunum virðast konur hafa notið
nokkurrar virðingar ef dæma má út frá 4. boðorðinu, þar sem sonum og dætr-
um er fyrirskipað að heiðra bæði föður sinn og móður (2M 20.12).29 Sögur
um einstakar konur í Gamla testamentinu sýna að til voru konur sem voru
bæði máttugar og áhrifamiklar, eins og til dæmis konurnar í 1. Mósebók. Þess-
ar konur mætti kalla höfuðmæðurnar, samanber viðtekna venju að tala um höf-
uðfeðurna. Saga þessara kvenna, sem er í 12.-36. og í 38. kafla, er betur þekkt
sem saga Abrahams, Isaks og Jakobs (svokallaðra höfuðfeðra), en saga Söru
(og Hagar), Rebekku og Rakelar (og Leu) og Tamar.
Saga höfuðmœðranna í 1. Mósebók
Þegar saga höfuðmæðranna er skoðuð koma fram ákveðin einkenni sem vert
er að staldra við áður en lengra er haldið:30
1. Þær birtast oft hjá brunnum eða vatnslindum og verða fljótlega eiginkon-
ur (Rebekka 24.10-27 og Rakel 29.1-12) eða mæður (Hagar 16.7-14).
2. Þær eru oft ófrjóar en verða svo mæður (Sara 16-21, Rebekka 25.21, og
Rakel 29.31; 30.2 og 22-23). Þá má benda á að allir höfuðfeðurnir eru
fæddir undir óvenjulegum kringumstæðum, það er að segja af óbyrjum, eft-
ir að Guð hafði opnað móðurlíf þeirra.
3. Ef þær eru ekki ófrjóar þá eiga þær oft við önnur vandamál að stríða sem
tengjast kynlífi (t.d. Lea og dóttir hennar Dína sem sagt er frá í 34. kafl-
anum) eða frjósemi (Tamar í 38), sem valda því að þær eru jaðarfólk þar
til vandamál þeirra eru leyst.
29 Sama heimild, 16.
30 Newsom og Ringe, ritstj. The Women's Bible Commentary. 1992. Louisville, Kentucky: West-
minster/John Knox Press, 15-24.
157